પ્રથમ મુઠીયા બનાવવા માટે ઘઉંનો જાડો લોટ હોઇ લેવો. તેમાં બે ચમચી બેસન, સ્વાદ અનુસાર મીઠું, દહી,લાલ મરચું બધું મિક્સ કરી લેવું. તેમાં કારેલાની છાલ ઉમેરી મુઠીયા નો લોટ બાંધી લેવો.

તેના નાના નાના મુઠીયા હાથેથી વાળી ગરમ તેલમાં તળી લેવા.

ગ્રેવી બનાવવા માટે ટામેટા, આદુ અને લીલા મરચાને મિક્સરમાં ક્રશ કરી પેસ્ટ તૈયાર કરવી.

કઢાઈ માં તેલ મૂકી ગરમ થાય એટલે જીરું ઉમેરી દેવું હવે તેમાં હળદર અને ધાણાજીરું પાવડર ઉમેરી તૈયાર કરેલ ટામેટાની પેસ્ટ ઉમેરી દેવી.

તેમાં ૨ ચમચી ચણાનો લોટ ઉમેરી મિક્સ કરી ચડવા દેવું ચણાના લોટના કારણે ગ્રેવી ઘટ્ટ તૈયાર થશે.

હવે તેમાં લાલ મરચું, ગરમ મસાલો, કોથમીર અને કસુરી મેથી ઉમેરી મિક્ષ કરી લેવું. જરૂર મુજબનું પાણી ઉમેરી, મીઠું ઉમેરી ગ્રેવીને ઊકળવા દેવી.

ગ્રેવી ઉકળે જાય એટલે ગેસ પરથી ઉતારી લેવું.

પીરસવાની પાંચ મિનિટ પહેલા તેમાં મુઠીયા ઉમેરી બે મિનિટ માટે ગેસ ઉપર ગરમ કરી લેવું.

તો તૈયાર છે રસિયા મુઠીયા.