સૌપ્રથમ ત્રણે લોટને ચાળી લો અને તેમાં બધા જ પૂરા મસાલા તેલ દહીં ખાંડ ઉમેરીને બરાબર મિક્ષ કરી લો હવે તેમાં છીણેલી દૂધી ઉમેરી બરાબર મિક્સ કરી લો અને તેમાંથી નાના મુઠીયા વાળી લો.

એક કડાઇમાં તેલનો વઘાર મૂકીને તેમાં રાઈ અને જીરું ઉમેરો રાઈ જીરું તતડે એટલે તેમાં હિંગ લીલા મરચા મીઠો લીમડો મેથીના દાણા ઉમેરીને પછી હળદર અને લાલ મરચું પાવડર ઉમેરો હવે તેમાં 2 કપ જેટલું પાણી ઉમેરો. પાણી ઉકળવા લાગે એટલે તેમાં તળેલા દુધી ના મુઠીયા ઉમેરી દેવા હવે ધીમા તાપે 5 થી 6 મિનિટ માટે તેને કુક થવા દો.

હવે તેમાં છાશ અને મીઠું ઉમેરી દો. તથા બે થી ત્રણ તળેલા મૂઠિયાં ને હાથ વડે ભાંગીને તેનો ભૂકો તેની સાથે ઉમેરી દો. જેથી તેનો રસો ઘટ્ટ થઈ જાય બીજી ત્રણથી ચાર મિનિટ માટે તેને કુક કરી લો. છેલ્લે તેમાં હાથ વડે મસળીને કસૂરી મેથી ઉમેરીને મિક્સ કરી લો. હવે દૂધીના રસિયા મુઠીયા ને સર્વિંગ ડીશમાં લઈ ને ઉપરથી તલ ભભરાવીને ગાર્નિશ કરો.

તો તૈયાર છે ખટ્ટા મીઠા તીખા એવા રસાવાળા દૂધીના રસિયા મુઠીયા સર્વ કરવા માટે જે એકલા પણ સરસ લાગે છે તેની સાથે ભાખરી, પરાઠા કે રોટલી પણ સર્વ કરી શકાય છે.