સૌ પ્રથમ શેકેલા રીંગણ ની છાલ અને બી દૂર કરી અધકચરું કરી લો, હવે એક વાસણમાં દહીં લઈ એમાં આદુ મરચા અને લસણની પેસ્ટ, હળદર, ધાણાજીરું, બિરયાની મસાલો, મીઠુ ઉમેરી બરાબર મિક્સ કરી લો, હવે એમાં શેકેલું રીંગણ ઉમેરી મિક્સ કરી લો.

હવે બીજા એક પેન માં ઘી લઈ એમાં ખડા મસાલા ઉમેરી સાંતળી લો, એમાં ડુંગળી ઉમેરી બદામી થાય ત્યાં સુધી સાંતળો, હવે ટામેટા ઉમેરી થોડી વાર સાંતળી લો, હવે દહીં નું મિશ્રણ ઉમેરી મિક્સ કરી લો, હવે તૈયાર કરેલ શાક માંથી થોડું એક વાસણ માં કાઢી લો (લેયર કરવા માટે), હવે પેન માં બચેલા શાક પર રાંધેલો ભાત ઉમેરી ઉપર ફુદીનો, અને બિરસતો ઉમેરો, હવે ફરી શાક નું લેયર કરો, અને ઉપર ફરી ભાત, બીરસ્તો અને ફુદીનો ઉમેરી ઢાંકી ધીમા તાપે દમ આપો.

હવે બરાબર દમ અપાય જાય પછી ઉપર ગરમ કોલસો મૂકી ઘી રેડી ઢાંકી ને ૨ મિનીટ રહેવા દો.

બિરયાની ને કોથમીર થી સજાવી સર્વ કરો.