પાલકના પાનને ધોઈ એક તપેલીમાં થોડું પાણી મૂકી પાંચ મિનિટ ઉકાળી લેવા. ત્યારબાદ તેમાં લીલા મરચા નાખી અને પેસ્ટ બનાવવી. મરચા શક્ય હોય તો તીખા લેવા કારણ કે આમાં આપણે લાલ મરચું વાપરવાનું નથી.ત્યાર બાદ એક કૂકરમાં લીલા વટાણા બટાકુ ગાજર અને અમેરિકન મકાઈ ને બાફી લેવા.

કડાઈમાં તેલ મૂકી કાજુ તળી લેવા. હવે તેની અંદર જીરૂ,તજ,લવિંગ,બાદિયા, તમાલપત્ર ઉમેરો. હીંગ ઉમેરો.હવે તેની અંદર ડુંગળી ઉમેરી સાંતળો બ્રાઉન કલરની થઈ જાય એટલે તેમાં આદું-લસણની પેસ્ટ ઉમેરો.મીઠું ઉમેરી દો.

હવે તેની અંદર પાલકની પેસ્ટ ઉમેરી થોડીવાર થવા દો. હવે તેની અંદર બાફેલા શાકભાજી ઉમેરી હળદર અને ગરમ મસાલો ઉમેરો. શાકભાજીમાં મસાલો બરાબર ચઢી જાય પછી ગેસની ફ્લેમ સ્લો કરો.

હવે તેમાં બિરયાની મસાલો ઉમેરો બધુ બરાબર મિક્સ કરી તેમાં રાંધેલા ભાત ઉમેરી સાચવીને હલાવો જેથી ભાત નો દાણો તૂટી ન જાય.

એક બાઉલમાં લઈ તેમાં તળેલા કાજુ વડે ગાર્નીશ કરો તૈયાર છે આપણે હૈદરાબાદી બિરયાની!