સૌ પ્રથમ એક તપેલી માં પાણી ગરમ કરવા મૂકો. પાણી ગરમ થાય એટલે તેમાં મીઠું અને તેલ નાખી ને પાસ્તા નાખી ને ઉકળવા દો.૧૦ મિનીટ પછી એક પાસ્તા કાઢી ને હાથ થી દબાવી જોવો. જો પાસ્તા તૂટી જાય એટલે તે થઈ ગયા છે. એટલે તેને ચારણી માં કાઢી લો. અને ઉપર ઠંડુ પાણી નાખી દો. જેથી પાસ્તા છુટ્ટા પડી જાય. હવે ચીઝ ને ખમણી લો. પાસ્તા માટે ની સામગ્રી ભેગી કરી લો.

એક પેન માં બટર ગરમ થાય એટલે તેમાં મેંદો નાખી ને ફ્રાય કરો. લોટ થોડી વાર શેકાઈ જાય એટલે તેમાં ધીમે ધીમે દૂધ ઉમેરતાં જાવ. ફટાફટ મિક્સ કરી હલાવી દો.

હવે બધું એકરસ થઈ જાય એટલે તેમાં મરી પાવડર, મીઠું સ્વાદ મુજબ, ઓરેગાનો, ચીલી ફ્લેક્સ નાખી ને હલાવી લો. હવે તેમાં ખમણેલું ચીઝ અને પાસ્તા એડ કરી ને ફાઈનાલી હલાવી લો. અને ૧ મિનીટ માટે ઢાંકણ ઢાંકી દો.