લોટ માટેની બધી સામગ્રી ભેગી કરી પાણીથી રોટલી જેવો લોટ બાંધવો. તેને થોડું તેલ લગાવી મસળી લેવો. ભીના કપડાથી ઢાંકી અડધી કલાક માટે રાખી દેવો.

બટરની ગરમ કરી તેમાં ઝીણું સમારેલું લસણ ઉમેરો. ચીલી ફ્લેક્સ, ઓરેગાનો અને થોડું મીઠું નાખી મિક્સ કરી લેવું

મકાઈના દાણા કાઢી ઉકળતા પાણીમાં બે મિનિટ માટે મીઠું નાખીને બાફી લેવા. ડુંગળી કેપ્સીકમ અને લીલું મરચું ઝીણું સમારી લેવું

લોટમાંથી એક મોટો લૂઓ લઇને જાડી રોટલી જેવું વણી લેવું. જો લોટ પાટલા પર ચોંટે તો થોડો કોરો લોટ ભભરાવો. તેના પર તૈયાર કરેલું માખણ લગાવો.

હવે તેમાં અડધા ભાગ માં છીણેલુ ચીઝ, કેપ્સીકમ, મકાઈના દાણા, ડુંગળી અને થોડું મીઠું ભભરાવી ઉપરથી ચીલી ફ્લેક્સ અને ઓરેગાનો નાખી શકો. તેની કિનારી પર થોડું પાણી લગાવી ફોલ્ડ કરી દો. હવે છરી ની મદદ થી એક ઇંચ ના ગેપ પર કાપા પાડી દેવા. જેથી બની ગયા પછી કટ કરવામાં સહેલું પડે. એક ફ્રાઈંગ પેન ગરમ કરવા મૂકો. તેના પર મિક્સ કરેલું બટર થોડું લગાવો.

બ્રેડની ઉપર પણ મિક્સ કરેલું બટર લગાવી દેવું. હવે તેને 15 મિનિટ સુધી ધીમા ગેસ પર ચડવા દો. હવે એક પ્લેટમાં કાઢી લો.

કાપા છે ત્યાંથી કટ કરી લો. ગાર્લિક બ્રેડ સ્ટીક્સ ને કેચપ સાથે સર્વ કરો.