ચણાને 8-9 કલાક પલાળી બાફી લો સાથે 1 બટેટું પણ બાફી લો. આદૂ અને મરચાના ટૂકડા કરી, લસણની કળી નાખી મિક્ષર જારમાં ક્રશ કરી પેસ્ટ બનાવી લો.

એક લોયામાં તેલ નાખો. ગરમ થાય એટલે સૂકું મરચું, તમાલપત્ર, હીંગ, સમારેલી ડુંગળી નાખો. પછી આદૂ, મરચાંની પેસ્ટ અને ડુંગળીની ગ્રેવી નાખો. તેલ છૂટું પડે એટલે ટમેટાંની ગ્રેવી નાખો.

ત્યાર બાદ તેમાં બધા મસાલા અને મીઠું નાખો. પછી ચણા અને બટેટા સમારીને નાખો. બધુ મિક્સ કરી 5 મિનિટ સુધી થવા દો. તો તૈયાર છે છોલે.

પૂરી માટે ઘઉંનો લોટ આને મેંદો મિક્સ કરી તેલ, દહીં અને મીઠું તેમજ પાણી નાખી કઠણ કણક તૈયાર કરો.

કણકને 30 મિનીટ સુધી ઢાંકીને રાખો, પછી તેના લૂવા કરી, વણી લેવી અને તેલમાં ગોલ્ડન કલરની થાય ત્યાં સુધી તળી લેવી.

તો તૈયાર છે છોલે પૂરી.