સૌ પ્રથમ બટાકા ને બાફી લ્યો. ધાણા ફુદીનો, અને સૂકા ધાણા, વાળિયારી, આદુ, મરચા ને મિક્સર જાર માં લય ક્રસ કરી દો. બટાકા ને છોલી ને નાના નાના સમારી લ્યો. બધા મસાલા માપ પ્રમાણે તૈયાર રાખો.

હવે એક કડાઈ માં 1 ચમચી તેલ મૂકી એમાં કસૂરી મેથી નાખી સાંતળો પછી એમાં બધાજ મસાલા નાખી સાંતળી લ્યો. પછી ફુદીના વાળી પેસ્ટ ઉમેરી સરસ સાંતળી એમાં બટાકા ઉમેરી દો.વટાણા બાફી ને ઉમેરી દો હવે બધું બરાબર મિક્સ કરી 2 મિનિટ થવા દો પછી ઠંડુ પાડવા દો.

હવે એક બાઉલ માં મેંદો લય એમાં તેલ, અજમો અને મીઠુ ઉમેરી બરાબર મિક્સ કરી લ્યો. ઠંડુ પાણી ધીમે ધીમે જોઈતા પ્રમાણ માં લય કઠણ ભાખરી જેવો લોટ બાંધી દો. હવે એને ઢાંકી ને દસ મિનિટ રેહવા દો.

હવે આ લોટ ના 7 લુવા એકસરખા કરી દો. એને લાંબગીળ વાણી લ્યો પછી વચ્ચે થી કાપી લ્યો. એટલે એક માંથી બે સમોસા બને.

આમજ બધી રોટલી વાણી સમોસા ની પટ્ટી બનાવી દો. હવે એક પટ્ટી લ્યો એની નીચેની બાજુ કિનાર પર પાણી લગાવી ત્રિકોણ વાળી કિનાર ચોંટાડી દો એમાં પૂરણ ભરી દો હવે ઉપર ની બાજુ વચ્ચે આંગળી વડે પ્રેસ કરી બન્ને બાજુ ચોંટાડી દો. બરાબર દબાવી દો. સમોસા ને હળવે થી દબાવી થોડું ચપટ કરી દો.

હવે બધા સમોસા ભરી દો. પેન માં તેલ ગરમ કરવા મુકો તેલ ગરમ થાય એટલે ગેસ એકદમ ધીમો કરી સમોસા મૂકી દો. આ સમોસા એકદમ ધીમા થી માધ્યમ ગેસ પર જ તળાવના છે તો જ સરસ કડક પડ થશે. ગુલાબી થાય બન્ને બાજુ એટલે તેલ માંથી કાઢી લ્યો. બધા આમજ તળી લ્યો. 5 મિનિટ પછી સર્વ કરો.