સૌપ્રથમ કાચા કેળા અને લીલા વટાણા ને બાફી લો કાચા કેળા બફાઈ જાય એટલે તેની છાલ કાઢીને તેને ઝીણા સમારી લો. એક કડાઇમાં તેલનો વઘાર મૂકીને તેમાં જીરું લીલા મરચાં તથા સુકા મસાલા ઉમેરીને એક મિનિટ માટે સાંતળો.

પછી તેનો તેમાં કાચા કેળા અને વટાણા ઉમેરીને બરાબર મિક્સ કરીને બેથી ત્રણ મિનિટ માટે આ મસાલાને શેકો. હવે તેમાં કોથમીર તથા ફુદીનાના પાન ઉમેરીને બધું બરાબર મિક્સ કરી લો. હવે આ મિશ્રણને ઠંડું પડવા દો.

મેંદાનો લોટ અથવા તો ઘઉંના લોટને ચારણીથી ચાળી લો. પછી તેમાં મીઠું અને હાથથી મસળી ને અજમો, ઘીનું મુઠી પડતું મોણ ઉમેરો. લોટ બરાબર મિક્સ કરી હૂંફાળા પાણીથી તેની મુલાયમ કણક તૈયાર કરો. તૈયાર કણકમાંથી એકસરખા લુઆ તૈયાર કરી તેમાંથી ગોળ મોટી પૂરી વણી લો તેનો વચ્ચેથી કાપો કરી લો અને બે ભાગ કરી દો.

ફોટા માં બતાવ્યાં મુજબ તે અડધા ભાગને કોન ની જેમ વાળીને તેમાં સ્ટફિંગ ભરો. સ્ટફિંગ સમોસા માં ભરતી વખતે સમોસાના છેક નીચેના ભાગ માં એક વટાણ અથવા તો કાચા કેળા નો ટુકડો મૂકો જેથી તેનો અણીવાળો ભાગ સરસ રહે. સ્ટફિંગ ભરાઈ જાય એટલે ઉપરના ભાગ પર સહેજ પાણી વાળો હાથ કરીને સમોસા ને સીલ કરી દો.

ગરમ તેલ માં મધ્યમ તાપે ગોલ્ડન કલર ના અને ક્રિસ્પી થાય તે રીતે સમોસા ને તળી લેવા.

તો તૈયાર છે એકદમ ગરમાગરમ મસાલેદાર કોઈપણ સમયે ભવ્ય તેવા જૈન પંજાબી સમોસા એની સાથે મેં ટોમેટો કેચપ, અને લીલા મરચાની ચટણી સવ કરેલ છે.