સૌ પ્રથમ 1 વાસણ માં મેંદો, મીઠું, અજમો અને જીરું લો. હવે તેમાં વેજીટેબલ ઘી નાખો અને સરખું મિક્સ કરી લો. મુટ્ઠી પડતો લોટ હોવો જોઈએ. હવે તેમાં જરૂર મુજબ પાણી નાખીને કઠણ લોટ બાંધી લો. 25 થી 30 મિનિટ માટે રહેવા દો. ત્યાં સુધી સમોસા ના ફીલીંગ ની તૈયારી કરી લઈશું.

બટાકા બાફી લો અને છાલ ઉતારી લો. મરચાં સમારી લો અને આદુ છીણી લો. વરિયાળી અને ધાણા ને પાટલી પર વેલણ વડે હાફ ક્રશ કરી લો.

હવે 1 પેન માં તેલ ગરમ કરો. તેમાં સૌ પ્રથમ કાજુ ના ટુકડા ઉમેરો અને કૂક કરી લો. આ કાજુ ના ટુકડા બહાર કાઢી લો. ત્યારબાદ આ જ તેલ માં પનીર ઉમેરો અને કૂક કરી લો. પનીર ફ્રાય થઈ જાય એટલે કાઢી લો. હવે આ જ તેલમાં જીરું, અધ કચરા કરેલા વરિયાળી અને ધાણા ઉમેરો. 30 સેકંડ પછી લીલા મરચાં અને આદુ ઉમેરો. એકાદ મિનિટ માટે કૂક કરી લો.

હવે તેમાં બાફેલા બટાકા મુટ્ઠી થી uneven છૂંદો કરી ઉમેરો. બટાકા ના ટુકડા પણ કરી શકો. વટાણા પણ ઉમેરો. મેં અહીં ફ્રોઝન વટાણા લીધા છે જે કુક થયેલા છે. તમે ફ્રેશ લેતા હોવ તો બટાકા જોડે બાફી લેવા જેથી નરમ થઈ જાય. તેમાં મીઠું, લાલ મરચું પાઉડર, આમચૂર પાઉડર, ચાટ મસાલો, ગરમ મસાલો ઉમેરો અને બધુ સરખું મિક્સ કરી લો. 2 થી 3 મિનિટ માટે કૂક કરી લો. છેલ્લે આ મિશ્રણ માં પનીર અને કાજુ ના ટુકડા અને કોથમીર ઉમેરો અને બધુ સરખું મિક્સ કરીને ગેસ બંધ કરી દો. હવે આપણે સમોસા બનાવીશું. તેના માટે 1 લૂવો લઈ તેને વણી લો.

વણેલા લુવા ને વચ્ચે થી છરી વડે કટ કરી લો. હવે 1 ભાગ લો તેને ક્રોસ માં વાળો અને પાણી લગાવો તેના પર બીજી સાઇડ થી વાળીને કોન જેવો શેપ આપો.

હવે આ કોન માં બટાકા ના ફીલીંગ નું મિશ્રણ ભરી લો અને ઉપર ની બાજુ થી કિનારી પર પાણી લગાવી બેઉ બાજુ ભેગી કરીને દબાવતાં જાઓ અને બંધ કરી લો. આવી રીતે બધા સમોસા વાળીને રેડી કરી લો.

હવે 1 કડાઈ માં તેલ ગરમ કરો. તેલ ગરમ થાય એટલે આંચ મધ્યમ કરી દો. બધા સમોસા મધ્યમ આંચ પર ક્રિસ્પી અને ગોલ્ડન બ્રાઉન થાય ત્યાં સુધી તળી લો. ગરમા ગરમ સમોસા કોથમીર ની લીલી ચટણી, કેચ અપ અને આંબલીની ચટણી સાથે સર્વ કરો.