સૌ પ્રથમ પાકી કેરી ની થોડી જાડી છાલ કાઢી ને દોઢ કપ દૂધ માં 2 કલાક સુધી પલાળી રાખવી. ત્યાર બાદ મિકશર જાર માં દૂધ મા પલાળેલી છાલ લઇ ઈલાયચી પાઉડર અને કેરી ના કટકા નાખી કૃશ્ કરી લેવી. જરૂર પડે તો થોડું દૂધ નાખવું.

એકદમ એકરસ પલ્પ તૈયાર થશે. ગેસ ઉપર કડાઈ મૂકી તેમાં આ પલ્પ નાખી 5 મીનીટ સુધી હલાવવું. ત્યાર બાદ તેમાં ફ્રેશ મલાઈ,ખાંડ, કેસર નાખી ધીમા ગેસ પર 10-15 મીનીટ સુધી હલાવવું.

આ મિશ્રણ થોડુ ઘટ્ટ થાય એટલે તેમાં ટોપરાનું ખમણ નાખી ખૂબ હલાવવું.જ્યારે મિશ્રણ કડાઈ છોડવા માંડે એટલે ગેસ બંધ કરી ઘી થી ગ્રીસ કરેલી ડિશ માં મિશ્રણ નાખી ને પાથરી દેવું.ઉપર કાજુ બદામની કતરણ વડે ગાર્નિશ કરી લેવું.

ઠંડું પડે પછી તેને છરી વડે ચોરસ પીસ કટ કરી લેવા.ત્યારબાદ સર્વિંગ પ્લેટ માં ગોઠવી સર્વ કરવું. તો રેડી છે યમ્મી મેંગો બરફી.