સૌપ્રથમ આપણે પનીર ટિક્કા બનાવવાની પ્રોસેસ કરવાની છે.તેના માટે દહીંમાં ચણાનો લોટ નાખો,તેમાં સ્વાદ મુજબ મીઠું,મરચું,હળદર,ધાણાજીરું નાખી પેસ્ટ બનાવો. જે પનીર ક્યૂબ છે તેને તેમાં વ્યવસ્થિત રીતે કોટ કરો.ત્યારબાદ તે પનીર ન ૨૦ મિનિટ માટે ફ્રીઝેમાં મૂકો.જેથી બધો મસાલો બરાબર મિક્સ થઈ જાય

ત્યારબાદ પનીર ને ફ્રીઝમાંથી બહાર કાઢી લો.એક વાસણમાં ૨ ચમચી તેલ મૂકી તેમાં પનીર ને બંને બાજુ તળી લો.

હવે એક કડાઈમાં તેલ લઇ તેમાં જીરું મૂકી વધાર કરો.વઘાર આવી જાય પછી ડુંગળી ઉમેરીને સાંતળો.ગુલાબી રંગની થાય પછી તેમાં સમારેલું કેપ્સીકમ ઉમેરો.તેમાં મીઠું, ધાણાજીરું,હળદર ઉમેરો.ટામેટાની ગ્રેવી કરતી વખતે તેમાં લસણની કળી નાખીને પણ પીસી લો.

બધું સટલાઈ જાય પછી તેમાં ટામેટાની ગ્રેવી ઉમેરી દો, તેમાં મરચું,ગરમ મસાલો ઉમેરી ગ્રેવી બરાબર ચડી જવા આવે ત્યારે તળેલું પનીર ઉમેરો,ત્યારબાદ છેલ્લે બટર અને એક મિનિટ પછી કોથમીર નાખી ઉતારી રોટી,પરાઠા કે નાન સાથે ગરમાગરમ પીરસો....તૈયાર છે પનીર ટિક્કા મસાલા......