સૌ પ્રથમ બટાકા ને બરાબર ધોઈ ને કોરા કપડાં થી લુછી લો. હવે તેને છરી ની મદદ થી ફરતી બાજુ થી કાપતા જઈ નળાકાર એવા આકાર માં કાપી લો. હવે વચ્ચે ની બાજુ છરી અથવા ગોળ નાના સ્કૂપ વાળી ચમચી થી ખોતરી ને પોલું બનાવી લો.

આવી રીતે બધા બટાકા પોલા નળાકાર માં કાપી લો. છાલ વાળો અને અંદર નો કાપેલો બટાકા નો ભાગ ફેકી ના દેવો. તેને ધોઈ ને કોરા કપડા માં નિતારી લો.

પોલા નળાકાર બટાકા ને પાણી મા ધોઈ ને કોરા કપડા થી લુછી લો. હવે ગરમ તેલ મા બટાકા ગોલ્ડન થાય એવા તળી લો. ત્યારબાદ છાલ વાળો ભાગ અને અંદર ના ભાગ ના બટાકા ને પણ તળી લો.

પુરણ માટે એક બોલ માં છાલ વાળો અને અંદર ના ભાગ ના તળેલા બટાકા લઈ તેને છરી થી અધકચરા એવા કાપી લો. જેથી છાલ ના કટકા થઈ જાય. હવે તેમાં ફુદીના ની ચટણી, ચાટ મસાલા, મીઠું, સમારેલ મરચુ અને કોથમીર નાખો.

ત્યારબાદ કાજુ ના નાના ટુકડા કરી ને નાખો. કીસમીસ નાખી બરાબર મિક્સ કરો. આ પુરણ નળાકાર તળેલા બટાકા માં હળવા હાથે ભરી લો. ધીમે ધીમે પુરણ ભરવુ જેથી બટાકા ફાટી ન જાય.

બધા બટાકા માં પુરણ ભરાઈ જાય પછી બધા બટાકા ને વચ્ચે થી કાપી લેવા. જેથી નાના ગોળાકાર બની જશે.

હવે ગ્રેવી માટે એક મિક્સર જાર માં ડુંગળી લઈ તેની પ્યુરી બનાવી લો. ત્યારબાદ પલાળેલા કાજુ ની પેસ્ટ બનાવી લો. (કાજુ ને ૧૦ મિનિટ માટે ગરમ પાણી માં પલાળવા)

હવે એક કઢાઈ માં તેલ મુકો. તેલ ગરમ થાય એટલે જીરું, તમાલપત્ર અને હિંગ ઉમેરો.

ત્યારબાદ આદુ - લસણ ની પેસ્ટ અને લીલા મરચા ની પેસ્ટ સાંતળો. હવે ડુંગળી ની પ્યુરી ઉમેરી તેલ છૂટું પડે ત્યાં સુધી સાંતળો.

તેલ છૂટું પડે પછી મીઠું, ગરમ મસાલો, દહીં અને કાજુ ની પેસ્ટ ઉમેરી મિક્સ કરી ૨ મિનિટ માટે સતત હલાવો. જેથી દહીં ફાટી ન જાય. (૧ ટીસ્પૂન જેટલી કાજુ ની પેસ્ટ બાજુ માં રાખવી)

હવે ગ્રેવી મા થોડું પાણી ઉમેરી ૫ મિનિટ ઉકાળો.

આલુ અકબરી ને રોટી કે પરાઠા સાથે સરસ લાગશે.