સૌ પ્રથમ ગ્રેવી માટે એક પેનમાં ૩ ચમચી તેલ ગરમ કરી તમાલપત્ર, સુકું લાલ મરચું, લવિંગ, તજ, ઇલાયચી, લીલા આદુ, મરચાં અને લસણ ની પેસ્ટ સાંતળી.ડુંગળી સાંતળો, ડુંગળી ટ્રાન્સપરન્ટ થાય એટલે કાજુ એડ કરી સાંતળો. ત્યારબાદ ટામેટા ઉમેરી સોફ્ટ થાય ત્યાં સુધી સાંતળો.

હવે તેમાં ૧/૨ ગ્લાસ પાણી ઉમેરી ૨ મિનિટ ગરમ કરી ઠંડુ થવા માટે સાઈડ માં મૂકી દો. ઠંડું થાય એટલે મિકસી જાર માં ક્રશ કરી પેસ્ટ બનાવી લેવી.

કોફતા માટે એક બાઉલમાં બાફી ને મેશ કરેલા બટેટા લઈ તેમાં કોર્ન ફ્લોર, બ્રેડ ક્રમ્સ, મીઠું સ્વાદ પ્રમાણે ઉમેરી મિક્સ કરી લેવું.એક બીજા બાઉલમાં છીણેલું પનીર અને ચીઝ લઈ તેમાં ચાટ મસાલો, મરી પાઉડર, દાડમના દાણા ઉમેરી મિક્સ કરી ને નાનાં બોલ્સ બનાવી લેવા.

હવે બટેટા ના મિશ્રણ માંથી એક ચમચી ગુલ્લુ લઈ હાથે થી થેપી ને તેમાં પનીર નો લાડુ મુકી કવર કરી લેવો. આ રીતે બધા કોફતા તૈયાર કરી ગરમ તેલ માં ગોલ્ડન બ્રાઉન તળી લેવા.

ત્યારબાદ એક પેનમાં ૨ થી ૩ ચમચી તેલ ગરમ કરી જીરું નો વઘાર કરી ડુંગળી ની પેસ્ટ ઉમેરવી અને લાલ મરચું પાઉડર, મીઠું સ્વાદ પ્રમાણે, પંજાબી મસાલો, કોફતા નો મસાલો, કસુરી મેથી ઉમેરી મિક્સ કરી પાણી ઉમેરી ઢાંકણ ઢાંકી ૫ મિનિટ ચઢવા દેવું. તૈયાર છે ગ્રેવી.

હવે સર્વિગ પ્લેટમાં પહેલાં ૨ ચમચા ગ્રેવી રેડી કોફતા સેટ કરી ઉપરથી ગ્રેવી રેડી કોથમીર થી ગાર્નિશિંગ કરી સર્વ કરો.