બટાકા ને ધોઈ તેની છાલ ઉતારી લો તેમાં આડા ઉભા કાપા કરો રીંગણા નાં ડીટી યા કાઢી તેમાં પણ આડા ઊભા કાપા કરો. હવે મસાલો તૈયાર કરો એક બાઉલમાં ધાણાજીરું મરચા પાઉડર હળદર ગોળ નમક ઉમેરી બધું મિક્સ કરો તેમાં બે ચમચી તેલ ઉમેરી ફરીથી બધું મિક્સ કરો. રીંગણ અને બટાકા માં જે આગાઉ કાપા કર્યા છે તેમાં મસાલો ભરો બધા રીંગણ અને બટાકા ની અંદર મસાલો ભરી લો.

કુકરમાં તેલ મુકી તેની અંદર રાઇ જીરૂ નાખો જીરુ તતડે એટલે હીંગ ઉમેરો. હવે બટાકા ઉમેરો.1 ગ્લાસ પાણી ઉમેરો કુકર બંધ કરી 2 સીટી વગાડી લો. હવે વરાળ નીકળી જાય એટલે તેમાં રીંગણાં ઉમેરી બચેલો મસાલો ઉમેરી કુકર બંધ કરો.1 સીટી વગાડી લો. વરાળ નીકળી જાય એટલે કુકર ખોલી જુઓ શાક તૈયાર છે.

ડિશ માં રીંગણ અને બટાકા લઇ સર્વ કરો સાથે રોટલી, ભાત, દાળ, લીલી ચટણી ની મજા માણો.