રબડી અને રસગુલ્લા માટે અલગ દૂધ ગરમ કરવા મૂકો.રબડી માટે દૂધ ઉકળીને 1/2 થઇ જાય ત્યાં સુધી હલાવતા રહો.છેના માટે દૂધ ઊકળે એટલે ઠંડુ થવા દો જેથી પોચાં રસગુલ્લા બને.ઠંડુ થાય એટલે તેમાં લીંબુનો રસ ઉમેરી કપડામાં બાંધી દો અને વધારાનો પાણી કાઢી પનીર બનાવી લો.

પાણી માં ખાંડ ઉમેરી ચાસણી બનાવો ને સતત હલાવતા રહો જેથી તળિયે ચોંટી ના જાય.ચાસણી તાર વાળી કરવી નહીં માત્ર થોડી ચિકાસ વાળી હોવી જોઈએ.પનીર ને આંગળી વડે સખત મસળી લો જેથી રસગુલ્લા તિરાડ વિના અને પોચાં બની શકે.

મસળેલ પનીરમાંથી નાની નાની તિરાડ વિના ની ગોળીઓ તૈયાર કરી લો અને ચાસણીમાં નાખી લો.છેના ચાસણીમાં નાખ્યા બાદ કદ માં બમણાં થઈ જાય છે.કૂકરમા ૫-૧૦ મીનીટ રસગુલ્લા રાખો અને પછી એક સીટી કૂકરમાં થવા દો ને ગેસ બંધ કરી ફરી ૧૦ મીનીટ રસગુલ્લા ને ચાસણીમાં જ રહેવા દો.

રબડી ઉકળીને 1/2થઇ જાય એટલે તેમાં ખાંડ, કેસર, ઇલાયચી પાઉડર ઉમેરી મિક્સ કરી લો.તૈયાર કરેલ રસગુલ્લા ને ચાસણીમાં થી કાઢી ને રબડી અને બદામ પિસ્તા ની કતરણ નાખી ઠંડુ સવૅ કરો.