સૌ પ્રથમ ર કપ ચોખા (કોઈપણ ચોખા લઈ શકો) ને ધોઈ ૨ દિવસ પાણીમાં પલાળી રાખવા.

પછી પાણી કાઢી મીક્ષરમાં ૧ કપ પાણી નાંખી એકદમ લીસ્સુ એકદમ પાતળું ખીરૂ તૈયાર કરવું.

ખીરૂ સ્ટીલની ગરણીથી ગાળી લો. ખીરૂ ચમચામાંથી પાડ્યા પછી ચમચામાં ચોંટેલું હોય અને ચમચાની પાછળના ભાગમાં આંગળી સીધી લઈ જાવ. જો સીધી લીટી પડે અને ખીરૂ પ્રસરે નહિ. એનો મતલબ ખીરૂ પર્ફેકટ બન્યું છે.

ખીરૂ હલાવતા હલાવતા તેમાં મીઠું, ક્રશ કરેલ મરચા, મીઠો લીમડો, જીરૂ તથા મંદો નાંખતા જવું.

ગેસ ચાલુ કરી ઢોકરાના કુકર અથવા મોટા તપેલામાં પાણી ગરમ કરવા મુકવું. પછી નાની નાની ડીશોને પાણીથી લુછીને તેમા ૧ -૧ ચમચો ખીરૂ નાંખી કુકર/તપેલામાં ડીશો મુકવી. (જે રીતે ઢોકળા કે ઈડલી મુકી તે રીતે)

૧ મીનીટ પછી ડીશોને કાઢી, ચપ્પાની અણીથી પહેલા ડીશની કિનારીએ ઉખાડી લેવું. એટલે આરામથી સારેવડા નીકળી જશે.

સારેવડા પ્લાસ્ટિક પર મુક્તા જવા. પછી રૂમમાં જ પંખા નીચે ૧૨ થી ૧૪ કલાકમાં સુકાઈ જશે. (તડકામાં મુકવાની જરૂર નથી) આ સારેવડા ૩-૪ મહિના સરસ રહે છે. જો વરસ સુધી રાખવા હોય તો ૨-૪ કલાક માટે તડકામાં મુકી દેવા.

જ્યારે પણ તળવા હોય ત્યારે તેલ બરાબર ગરમ કરીને તળવા. સારેવડા સરસ ફૂલીને ડબલ (મોટા) થઈ જાય છે. એકદમ સોફ્ટ અને ક્રન્ચી. આપ જરૂર બનાવો.