અડદની દાળને બેથી ત્રણવાર ધોઈ પાંચથી છ કલાક માટે પલાળી દો

રસમ બનાવવા માટે એક પેનમાં તેલ ઉમેરી, રાઈ, હિંગ્ સૂકા લાલ મરચાં તેમજ મીઠો લીમડો ઉમેરો. હવે તેમાં બનાવેલી પેસ્ટ ઉમેરી બરાબર સાંતળી લો. ત્યારબાદ તેમાં ટામેટા અને આમલીનું પાણી ઉમેરી તેને બરાબર ઉકળવા દો.

આ પાણી બરાબર ઉકળે એટલે તેમાં હળદર, મરચું, ધાણાજીરુ, સંભાર મસાલો ઉમેરી ઢાંકણ ઢાંકી ચડવા દો. ત્યારબાદ તેમાં બાફેલી તુવેરની દાળ ઉમેરી, મીઠું ઉમેરી બરાબર મિક્સ કરી લો. તેમાં જરૂર મુજબ પાણી ઉમેરી ઢાંકીને પંદરથી વીસ મિનિટ માટે ઉકળવા દો. રાસમ પાતળી હોય છે માટે તે પ્રમાણે પાણી ઉમેરવું. બરાબર ચડી જાય એટલે લીલા ધાણા ઉમેરો.

વડા માટે પલાળેલી અડદની દાળ માંથી બધુ પાણી કાઢી તેને મિક્સરમાં અધકચરી ક્રશ કરી લો, જરૂર પડે તો થોડું પાણી ઉમેરો. આ દાળને ફલફી થાય અને તેનો કલર ચેન્જ થાય ત્યાં સુધી એક જ દિશામાં બરાબર ફેંટી લો. ત્યારબાદ તેમા મીઠું, જીરું, હિંગ, લીલા મરચા અને લીલા ધાણા ઉમેરી ખીરૂં તૈયાર કરો.

આ ખીરામાંથી મિડિયમ સાઈઝના વડા તળી લો. ગરમાગરમ વડાને રસમ ઉમેરી રસમ વડા નો સ્વાદ માણો.