સૌપ્રથમ ચણાની દાળ અને ખીચડીયા ચોખા બંનેને મિક્સ કરી ઘંટીમાં દળી લેવું. સહેજ કરકરુ રાખવું. એક મોટો વાટકો દળેલો લોટ લઇ ખાટી છાશ માં પલાળી દેવું. છથી સાત કલાક માટે ઢાંકીને આથો આવવા માટે રાખી મૂકો. દૂધીને ખમણી લેવી. આથો આવેલા હાંડવા ના ખીરામાં ખમણેલી દુધી, ખાંડ, સ્વાદ મુજબ મીઠું, વાટેલા આદુ મરચાં અને લસણ, લાલ મરચું, હળદર ઉમેરી સરખી રીતે હલાવી લેવું. એક ચમચા માં થોડું પાણી, તેલ અને દોઢ ચમચી સાજીના ફૂલ લઈ બરાબર મિશ્ર કરી ખીરામાં નાખી ખુબ હલાવવું.

એક કડાઈમાં ત્રણ પાવડા તેલ ગરમ મૂકી તેમાં તલ, મીઠો લીમડો, લાલ સુકા મરચા, 2 ચમચી લાલ મરચાંની ભૂકી નાખી તેમાં હાંડવા નું ખીરું રેડી દેવું. કડાઈમાં ઉપર થાળી ઢાંકી દેવી. મીડીયમ ગેસ પર દસ મિનિટ માટે રહેવા દેવું.

તવેથા ની મદદ વડે તૈયાર થયેલો હાંડવો ઉલટાવી લેવો. નીચેનું પળ કડક થઈ ગયું હશે. ફરી પાછું 15 મિનિટ માટે ધીમા તાપે હાંડવો થવા દેવો. થાળી ખોલી ચપ્પુ વડે અંદર હાંડવો પાકી ગયો છે કે નહીં તે ચેક કરી લેવું ગરમાગરમ હાંડવો પીસ કરી ચા, coffee, ટોમેટો કેચપ અથવા છુંદા સાથે સર્વ કરવું.