સૌપ્રથમ કારેલાના ટુકડા કરી લો. હવે તેને એક કૂકરમાં થોડું પાણી લઈ તેમાં કારેલાના ટુકડા લઈ તેમાં સહેજ મીઠું નાખી બાફી લો.

હવે કારેલા બફાઈ જાય પછી મસાલો બનાવો. તેમાં પહેલા સૌપ્રથમ ચોખાના પવા ધોઈ લો તેમાંથી પાણી કાઢીને તેમાં હળદર,મીઠું, લાલ મરચાનો પાઉડર,ગરમ મસાલો, લસણની પેસ્ટ, ઉમેરો. હવે તેને સારી રીતે મિક્સ કરી લો. હવે આપણા કારેલાના મસાલો તૈયાર છે તેને બાફેલા કારેલામાં અંદર ભરી લો.

હવે એક કઢાઈમાં તેલ મૂકો. તેલ ગરમ થાય એટલે તેમાં રાઈ અને હિંગ નાખી.ત્યાર બાદ ભરેલા કારેલા ઉમેરો. પછી તેને સારી રીતે તેલમાં મિક્સ કરી લો. હવે તેને થોડી વાર સુધી ગેસ પર રહેવા દો. ત્યારબાદ તેમાં લીલી કોથમીર ઉમેરો.હવે ભરેલા કારેલાનું શાક તૈયાર છે. તેને સર્વ કરો.