સૌપ્રથમ કારેલા ને ધોઈ લેવા અને તેની ઉપરથી આછી પાતળી છાલ ખમણી લેવી પછી તેને સમારી લેવા (ગોળ કટીંગ કરવું અને બીયા હોય તે કાઢી લેવા). અને તેમાં 1/2 ચમચી મીઠું નાખી 15 મિનિટ ડીશ ઢાંકી ને રહેવા દો.

15 મિનિટ પછી કારેલાંને બે હથેળી વચ્ચે ને દબાવીને બરોબર નીચવી લેવું. જેથી મીઠાવાળું પાણી નીકળી જાય. પછી શાક માટેની બધી સામગ્રી ની તૈયારી કરી લેવી.

હવે તવી માં તેલ ગરમ કરી તેમાં કાજુ તળી લેવા પછી તેને એક વાટકીમાં લઈ લેવા. હવે એ ગરમ તેલમાં રાઈ,જીરુ, તલ અને હિંગ નો વઘાર કરવો. પછી તેમાં કારેલા અને હળદર ઉમેરી બરાબર મિક્સ કરો.(મીઠું ચેક કરીને ઉમેરવું કેમકે કારેલામાં મીઠું નાખીને 10 થી15 મિનિટ રહેવા દીધા હતા).

કારેલાની ખુલ્લા જ ચડવા દેવા અને થોડા ક્રિસ્પી થાય અને ચડી જાય એટલે તેમાં લાલ મરચું પાઉડર,ધાણાજીરું પાઉડર, આમચૂર પાઉડર, ગોળ અને કાજુ ઉમેરી બધુ એક સરખું બરોબર મિક્સ કરી લો. એકથી બે મિનિટ પછી ગોળ શાકમા મિક્સ થઈ જાય એટલે ગેસ બંધ કરી કોથમીર ઉમેરી મિક્સ કરી લેવું. અને સર્વિંગ બાઉલમાં કાઢી લેવું.