જાંબુ ને ધોઇ, સાફ કરી, ઠળિયા અલગ કરો. તેને ગ્રાઇન્ડ કરી પલ્પ બનાવો. પછી આ પલ્પને પેનમાં લઇ ખાંડ ઉમેરી ગરમ કરો. સતત હલાવતા રહો.ચોંટે નહીં તેનું ધ્યાન રાખવું. મિડિયમ તાપે ૧૫ થી ૨૦ મિનિટ થવા દો. પેસ્ટ જેવું જાડું થાય એટલે લીંબુનો રસ ઉમેરી ફરીથી ૨-૩ મિનિટ થવા દો. હલાવતા રહો. પછી બાઉલમાં કાઢી ૧ કલાક ઠંડો થવા દો. ચોપડી શકાય એવો થઇ જશે.

પેનકેક માટે, એક બાઉલમાં દૂધ લઇ એમાં વિનેગર નાખી હલાવો. પછી તેમાં તેલ/બટર, એસેન્સ, ફૂડ કલર મિક્સ કરી લો.

બીજા બાઉલમાં મેંદો, દળેલી ખાંડ, બેકિંગ પાઉડર, બેકિંગ સોડા મિક્સ કરી ચાળી લો. પછી તેને દૂધવાળા મિશ્રણ માં ઉમેરી મિક્સ કરી લો. ખાલી મિક્સ કરવાનું છે, બહુ ફીણવાનું નથી. પેનકેક મિશ્રણ તૈયાર છે.

હવે ઢોંસાના તવાને બરાબર ઘીથી ગ્રીઝ કરી, ગેસ પર ગરમ થવા મૂકો. તેમાં પેનકેક મિશ્રણ રેડી બધી બાજુ ફેલાવી દો. તેને ધીમા તાપે ઢાંકીને ૮ થી૧૦ મિનિટ ચડવા દો. થઇ જાય એટલે તવા પરથી લઇ સાચવીને, બટરપેપરની મદદથી રોલ કરી લો. રોલને બટરપેપરથી બંધ કરી ૧૦ મિનિટ માટે ફ્રીઝમાં સેટ થવા દો.

પછી રોલને બહાર નીકાળી,ખોલીને,તેના પર બધી બાજુ જામ સ્પ્રેડ કરો. જામના લેયર પર, બધી બાજુ વ્હીપ્ડ ક્રિમ સ્પ્રેડ કરો. પછી ફરીથી રોલ કરી, બટરપેપરથી બંધ કરી, ૩૦ મિનિટ ફ્રીઝમાં સેટ થવા દો. સેટ થયા પછી બહાર કાઢી, રોલને નાના ટુકડામાં કાપી લો. સ્વીસરોલ્સ તૈયાર છે.