સૌપ્રથમ ઘઉંનો લોટ લઇને તેમાં છાશ નાખીને ચારેક કલાક રહેવા દેવું ત્યારબાદ તેમાં ક્રશ કરેલા આદુ' મરચા મીઠું નાખવું આ ખીરાને થોડુંક કઠણ રાખો ત્યારબાદ તેમાં સોડા અને ૧ ચમચો તેલ ગરમ કરીને દૂધીયુ કરીને આ ખીરામાં નાંખી દેવું.

હવે એક લોયા માં તળવા માટે તેલ લઈને ગેસ ઉપર ગરમ કરવા મુકવું ત્યારબાદ તેલમાં ભજીયા પાડતા હોય તે રીતે વડા નાખવા પછી તેને ધીમા તાપે તળવા એટલે અંદર નો લોટ સરખો શેકાઈ લાલાશ પડતા થાય ત્યારે તેને કાઢી લેવા હવે તપેલીમાં થોડી છાશ લઈને તે વડાને હાથેથી દાબી છાસમાં નાખી દેવા.

છાશમાં નાખેલા વડાને બે મિનિટ રાખીને ડીશમાં કાઢી લેવા ત્યારબાદ તેની ઉપર મરચું લીલી ચટણી નાખવી હોય તો તે અને દહીં પાથરવું એક નાનકડા લોયામાં તેલ નાખીને રાઈ અને તલ મુકવા તે તતડી જાય એટલે થોડી હિંગ નાખી તે વઘાર વડા ઉપર છાંટી દેવો પછી તેની ઉપર કોથમીર ભભરાવવી તો તૈયાર છે મારા દહીં વડા આવડા ખરેખર સ્વાદિષ્ટ લાગે છે તમે પણ બનાવી જોજો.