સૌપ્રથમ આપણે વડા માટે ખીરું બનાવીશું તેના માટે લોટને પલાળવાનો છે,,
આથો લાવવા માટે સાંજે કરવા હોય તો બપોરે કે સવારે આથો નાખી દેવો,
૫ થી ૬ કલાકમાં સરસ આથો આવી જાય છે,
આના માટે એક તપેલીમાં વડાનો લોટ ચાળીને લ્યો,
તેમાં જરુરમુજબ પાણી અને બે ચમચી જ દહીં ઉમેરવું,દહીં વધુ નાખશો તો
ખાટાં લાગશે,,સ્વાદમુજબ ફેરફાર કરવો,
એક્દુમ ઘાટ્ટુ મુઠીયાનો લોટ બાંધીયે તેવું ખીરું બનાવવાનું છે,ઢીલું નહીં
એટલે એ રીતે માપમુજ્બ પાણી નાખી ખીરું તૈય્યાર કરી ઢાંકી દ્યો,
પાંચેક કલાક આથો આવવા માટે જોઈશે.

હવે ખીરામાં આથો આવી જાય એટલે તેમાં ઉપર મુજબ લખેલા મસાલા કરી લેવા
અને કોથમીર,ફુદીનો,મરચા ઉમેરવા,ડુંગળી લસણ પણ ઉમેરાય પણ અમારે ત્યાં
નિવેદમાં બનતા હોવાથી અમે ક્યારેય નથી ઉમેરતા,લોટ મુઠીયા જેવો જ રાખવાનો,
બહુ કઠણ હોય તો છાશ કે પાણી ઉમેરી ઢીલો કરવો,
ચપટી સોડા નાખી હલાવી મિક્સ કરી લેવો.

હવે એક કડાઈમાં તેલ તળવા માટેનું ગરમ મુકો
હવે લોટમાંથી એક નેનો લુઓ લઇ એક હથેળી પાણી વળી કરી તેના પર
બીજા હાથ વડે થેપીને ગોળ આકાર આપો,વડું થેપાય જાય એટલે હળવેથી
ગરમ તેલમાં મૂકી દ્યો,આ રીતે બીજા વડા પણ બનાવો,
કોટનનું કપડું પાથરી ભીનું કરી તેના પર પણ બનાવાય છે,
વડા તેની મેળે જ તળાઈને ફૂલીને તેલ પર આવી જશે,તેને ફેરવી લેવા,
બન્ને બાજુ એ સોનેરી રંગના થાય ત્યાં સુધી તળી લેવા,
આ રીતે બધા વડા બનાવી લેવા.