કેક બનાવતી વખતે માપમાં પ્રિસાઇઝ રહેવું ખુબ જરૂરી હોય છે. માટે સૌ પ્રથમ જોઈતી તમામ વસ્તુઓ એકઠી કરી લેવી. તથા કૂકર ને પ્રિહિટ કરવા મુકવું.

હવે એક બાઉલમાં દહીં, પીસેલી ખાંડ અને સનફ્લાવર તેલ લેવા. બીટર વડે બીટ કરવું. મિશ્રણમાં તેલ મિક્સ થઇને એકરસ થઇ જાય ત્યાં સુધી બીટ કરવું. ત્યારબાદ તેમાં સોજી એડ કરી મિક્સ કરવું. 20 મિનિટ રેસ્ટ આપવું.

હવે આ મિશ્રણમાં 2-3 વખત ચાળેલો મેંદો, બેકિંગ પાઉડર અને બેકિંગ સોડા એડ કરવા. અને હળવે હાથે કટ એન્ડ ફોલ્ડ મેથડ થી મિક્સ કરવું. ગઠ્ઠા ન રહે એ ધ્યાન રાખવું.

કેક મોલ્ડ ને તેલથી ગ્રીસ કરી મેંદાથી ડસ્ટીંગ કરી લેવું. હવે તૈયાર કરેલા મિશ્રણમાં મેંદામા રગદોળેલી ટુટીફ્રુટી એડ કરવી. બરાબર મિક્સ કરવું. તૈયાર કરેલા કેકના બૅટર ને મોલ્ડમાં રેડવું. 2-3 વખત ટેપ કરી લેવું.

બેક કરવા માટે પ્રેશર કૂકરની રીંગ અને વિસલ કાઢી લેવા. કૂકર ના બેઝમા મીઠું પાથરવું. તેના પર એક સ્ટેન્ડ મુકવું. ઢાંકણ બંધ કરી ફાસ્ટ ફલૅમ પર 15 મિનિટ સુધી કૂકરને પ્રિહિટ કરવું. હવે કેક મોલ્ડ મુકી કૂકરનું ઢાંકણ ઢાંકી દેવું. 30-35 મિનિટ બેક કરવું. 30 મિનિટ પછી તૂથપિક વડે ચેક કરી લેવું, ક્લીન બહાર આવે તો કેક તૈયાર છે.

કેક ને કૂકર માંથી બહાર કાઢી ને ઠંડી કરવી. પછી જ અનમોલ્ડ કરવી.

ગાનિઁશ કરવા માટે મેં પીસેલી ખાંડ અને ટીન ચેરી લીધા છે. કેક સર્વ કરવા માટે તૈયાર છે.