પહેલા આપણે ફ્રેન્કી બનાવવા માટે લોટ બાંધવો તેના માટે ૧ કપ મેંદો અને ૧ કપ ઘઉંનો લોટ, ૨ ચમચી તેલ મોણ માટે, ૧/૨‌ ચમચી મીઠું નાખી અને પાણી ઉમેરી લોટ બાંધવો. (લોટ ને રોટલી નો લોટ બાંધીએ તેવો રાખવો.) લોટ ને ભીનું કપડું ઢાંકી ને ૨૦ મીનીટ સુધી મુકીને રાખો

હવે આપણે ફ્રેન્કી મસાલો બનાવવા માટે ઉપર બતાવેલ સામગ્રી માંથી ચાટ મસાલો, ગરમ મસાલો, શેકેલા જીરાનો પાઉડર, ધાણાજીરું, લાલ મરચું પાઉડર, મરી પાઉડર આ બધું મીક્સ કરો એટલે તૈયાર છે ફ્રેન્કી મસાલો

હવે આપણે બનાવશું લીલી ચટણી તેના માટે લસણ,આદું, લીલું મરચું, ફુદીના ના પાન, કોથમીર, શીંગદાણા, મીઠુ ૧/૪ ચમચી અને લીબુ આ ‌બધુ મીકસર મા પીસી લો એટલે લીલી ચટણી તૈયાર

હવે આપણે ફ્રેન્કી માટે બટાકા નો મસાલો બનાવવા માટે એક કઢાઈમાં ૨ ચમચી તેલ ગરમ કરી તેમાં હીંગ અને હળદર પાઉડર નાખી અને પછી તેમાં બારીક સમારેલું લસણ, આદું અને લીલું મરચું નાખી થોડું શેકો પછી તેમાં સ્વાદ પ્રમાણે મીઠું નાખો અને તેમાં બાફેલા બટાકા નો મેશ ઉમેરો ત્યાર બાદ તેમાં ૨ ચમચી ફ્રેન્કી મસાલો અને કોથમીર અને લીંબુ નીચોવી બરાબર મિક્સ કરો. પછી તેના ચપટી લાંબી ટીક્કી બનાવી એક તવી માં તેલ નાખી બંને બાજુ શેકી લો.

હવે આપણે લોટ બાંધ્યો હતો તેમાં થી નાના લુઆ કરી ને પતલી રોટલી બનાવી બંને બાજુ થોડી થોડી શેકી લો

હવે આપણે ફ્રેન્કી ને તૈયાર કરવામાં માટે ઉપર બનાવેલી બધી સામગ્રી તૈયાર કરી એક તવી ઉપર થોડું તેલ મૂકી શેકેલી રોટલી ને બંને બાજુ ફરી શેકો પછી એક બાજુ લીલી ચટણી લગાડી તેના પર બટાકા ની ટીક્કી મુકી પછી તેના પર પતલી સમારેલી ડુંગળી અને કોબીજ મુકો. ત્યાર બાદ તેના પર થોડું ચાલી પીકલશ નાખી. ફ્રેન્કી મસાલો અને કોથમીર ભભરાવી રોટલી ને બંને બાજુ થી પેક કરી દો. અને સોસ સાથે પીરસો.