હેલ્લો ફ્રેન્ડ આજે હું નાચોઝ ની રેસિપી લાવી છું..જે બનાવવા એકદમ સરળ છે..મે તો અહીંયા સાદા જ બનાવ્યા છે.પણ તેમાં આપણે ઘરે ગાર્લિક પાઉડર, ચીઝ પાઉડર, એવા ફ્લેવર્સ વાળા પણ અસાની થી બનાવી શકાય છે.જે ચાટ ની જેમ પણ મજા આવે.અને મયોનીઝ કે સાલસા સોસ સાથે પણ ખાઈ શકાય છે.તો ચાલો હું રેસિપી બતાવી દઉં.

તો નાંચોઝ બનાવવા માટે આપણે એક બાઉલ મકાઈ નો લોટ લઈશું તેમાં ૩-૪ ચમચી ઘઉં નો (ચોખા નો અથવા તો મેંદા નો લોટ પણ નાખી શકાય) લોટ નાખી તેમાં મીઠું સ્વાદાનુસાર, હળદર, મરચું, અજમો હાથેથી મસળી ને નાખવો જેથી ટેસ્ટ ખૂબ જ સારો આવે છે. અને જરૂર મુજબ પાણી નાખી સહેજ પરોઠા થી કૂણો લોટ બાંધી લેવો.

ત્યારબાદ લોટ નો મોટો લુઓ કરી તેને પ્લાસ્ટિક પર રાખી પાતળી રોટલી ની જેમ વની લેવું.અને તેને ચારે બાજુથી સાઇડ કટ કરી લેવી અને ૪ ઇંચ જેટલું અંતર રાખી કાપા પાડવા.અને ત્યારબાદ તેને ટ્રાઇંગલ શેપ્ માં કટ કરી લેવા. અને તેમાં છરી ની મદદ થી કાના પાડી લેવા જેથી ફૂલી ન જઈ.

ત્યાર બાદ તેલ ગરમ કરવા મૂકવું.પણ ધ્યાન રાખવું કે એમાં એકદમ ગરમ તેલ ન થવા દેવું. મીડીયમ જ રાખવું.