સૌપ્રથમ એક કડાઈમાં પાણી ગરમ કરવા મૂકો.તેમા મીઠું સ્વાદ અનુસાર નાખો.હવે તેમાં ગાજર, વટાણા અને બટાકા ઉમેરીને ભાત સાથે જ ચડવા દો.બાસમતી ચોખા ને ધોઈ લો અને ૨૦ મિનિટ સુધી પલાળી રાખો.અને ઉકળતા પાણીમાં નાખી બરાબર હલાવી ને ૮-૧૦ મિનિટ સુધી ચડવા દો.

ચડી જાય પછી તેને ચાળણીમાં કાઢીને ઠંડા કરી લો.હવે એક મિક્ષર જાર માં લીલા ધાણા અને ફુદીનાના પાન ધોઈને નાખી સાથે લીલા મરચા આદુ નાખી પેસ્ટ બનાવી લો.

હવે એક બાઉલમાં ડુંગળી, ટામેટા, કેપ્સિકમ ચોરસ કાપી ને લો.પનીર પણ ટૂકડા કરી નાખો.હવે તેમાં દહીં, અને સુકાં મસાલા, લીંબુનો રસ, ગરમ મસાલો નાખી બરાબર મિક્સ કરો કોર્ન ફ્લોર નાખી બરાબર હલાવી ૨૦ મિનિટ સુધી મેરીનેટ કરી ફ્રીજ માં મૂકી દો.

હવે એક પેનમાં તેલ અને બટર ગરમ કરો.તેમા લાંબી સમારેલી ડુંગળી અને ચાર પાંચ કાજુ,આખા લાલ મરચાં અને તજપતુ નાખી બરાબર હલાવી લો.બરાબર સંતળાઈ જાય પછી મેરીનેટ કરેલું પનીર નાખી બરાબર મિક્સ કરો.

ત્રણ થી ચાર મિનિટ સુધી સાંતળો પછી તેમાં ભાત ઉમેરો, બિરયાની મસાલા, લીંબુનો રસ અને પેરી પેરી મસાલો નાખી બરાબર મિક્સ કરો.

થોડા પનીર ના ટુકડા અને ડુંગળી ટામેટા કેપ્સિકમ ને સ્ટિક માં લગાવી ગ્રીલર પેન માં તેલ મૂકી ધીમા તાપે શેકી લો.હવે સર્વિંગ પ્લેટ માં મૂકી ગાર્નિશ કરો.

તૈયાર છે આપણા પહાડી પનીર ટિક્કા રાઈસ.... સાથે ડુંગળી ની સ્લાઈસ અને દહીં.