એક તપેલી માં દૂધ લઈ ગરમ કરી ઊકળે એટલે લીંબુ નો રસ ઉમેરી પાણી છૂટું પડે અને પનીર બને ત્યાં સુધી બરાબર મિકસ કરવું. બીજા બાઉલ માં એક કપડું લઈ ફડેલું દૂધ ને ગાળવું. અને ઉપર થી એક કપ ઠંડુ પાણી ઉમેરી ધોઈ લેવું એટલે લીંબુ ની ખટાશ અને સ્મેલ નીકળી જશે.

કપડાં માં બરાબર સ્કવિઝ કરી ૧ કલાક સુધી રાખવું. પનીર ને ૧ કલાક રાખી ત્યાં સુધી એક પેન માં ખાંડ લઈ એમાં પાણી અને ચપટી જેટલો ઇલાયચી પાઉડર ઉમેરીને મધ્યમ ગેસ પર ૫ મિનિટ માટે બોઇલ કરી એક તાર થાય એવી ચાશની તૈયાર કરવી.

૧ કલાક પછી મોઇસ્ટ પનીર ને એક પ્લેટ માં લઇ ક્રમ્બલ જેવું છૂટું કરી હથેળી થી ધીરે ધીરે ૫ મિનિટ સુધી મેશ કરવું. સ્મૂધ અને સોફ્ટ ડો બન્યા પછી નાના બોલ સાઈઝ નો આકાર આપવું.

પનીર બોલ્સ ને બોઈલ થતી ચાશની માં ઉમેરી ૧૦ મિનિટ સુધી બોઈલ્ કરવું. એક બાઉલ માં બરફ નાં ટુકડા અને ઠંડુ પાણી લઈ એમાં રસગુલ્લા ઉમેરી એકદમ ઠંડુ કરવું. બરફ ના ટુકડા માં ઉમેરવા થી રસગુલ્લા નો આકાર હશે એવો જ રેહશે.

એક તપેલી માં દૂધ ગરમ કરવા મૂકવું. એક કપ માં કસ્ટાર્ડ પાઉડર લઇ એમાં થોડું દૂધ ઉમેરી મિશ્રણ તૈયાર કરી બોઈલ થતાં દૂધ માં ઉમેરી થીક થાય ત્યાં સુધી મિક્સ કરવું એટલે કસ્ટાર્ડ તૈયાર થશે.

કસ્ટાર્ડ ને એક કલાક રેફ્રિજરેટ કરવું. કટ કરેલા ફ્રૂટસ ને ચાશની માં ૫ મિનિટ રાખવા. એક કલાક બાદ એક કાચ ના ગ્લાસ માં પહેલા ફ્રૂટસ નું લેયર મૂકવું.તેની ઉપર કસ્ટાર્ડ નું લેયર.તેની ઉપર રસગુલ્લા ના ટુકડા નું લેયર. એ રીતે આખું ગ્લાસ તૈયાર કરી ઉપર કાજુ, પિસ્તા થી ગાર્નિશ કરવું અને ઉપર ફરી એક આખો રસગુલ્લા મૂકી ઉપર કેસર થી સજાવી ઠંડુ ઠંડુ સર્વ કરવું.