સૌ પ્રથમ દૂધ ને ગરમ મૂકો. ગરમ થઈ જાય અને ઉભરો આવી જાય એટલે તેને ગેસ બંધ કરી 1 મિનિટ માટે દૂધ ને ઠરવા દો. (બહુ વધારે નહીં ઠરવા દેવું) ત્યારબાદ તેમાં પાણી મિક્સ કરેલું વિનેગર ધીમે ધીમે મિક્સ કરો.

દૂધ સરસ ફાટી જાય એટલે તેમાં વિનેગર મિક્સ કરવાનું બંધ કરી દો અને તેને એક ગરણા મા સફેદ સુતરાઉ કપડું રાખી ગાળી લો અને તેમાં રહેલી ખટાશને કાઢવા માટે તેમાં પાણી નાખી સરસ રીતે ધોઈ લો અને ત્યારબાદ તેમાંથી પાણી નીચવી લો.

સાવ પાણી નીકળી જાય એટલે તેને બીજા વાસણ માં લઈ તેમાં 2 ચમચી કોર્નફ્લોર નાખી મિક્સ કરી લો અને સરસ રીતે મસળી લો. ત્યારબાદ તેને તમારા મન પસંદ આકાર આપી દો.

ત્યારબાદ એક પેનમાં 2 ગ્લાસ પાણી, ખાંડ, કેસર અને વેનીલા એસેન્સ નાખી ઉકાળો. પાણી ઉકળી જાય એટલે તેમાં બનાવેલા ગોળા નાંખી ને ઢાંકી દો. ઢાંકીને તેને 15 - 20 મિનિટ સુધી પાકવા દો અને પાકી જશે એટલે તે ફુલાઇને ઉપર આવી જશે.

ત્યારબાદ તેને બીજા વાસણમાં કાઢી લો અને રૂમ ટેમ્પરેચર પર આવે એટલે તેને ફ્રીઝમાં ઠંડા કરી સર્વ કરો.