તુવેરની દાળ અને ચણા ની દાળ ને ધોઈ બાફી લો.હવે બફાઈ જાય પછી બરાબર હલાવી મિક્સ કરી લો.હવે એક કડાઈમાં ઘી ગરમ કરી તેમાં બફાયેલી દાળ નાખી હલાવી લો.બરાબર શેકી લો.થોડો કલર બદલાય જાય પછી તેમાં ખાંડ નાખી હલાવી લો.

કાજુ બદામ નો ભૂકો કરી લો.ઘટ્ટ થાય ત્યાં સુધી હલાવતા રહો જેથી તળિયે બેસી ના જાય.ઘટ્ટ થાય એટલે તેમાં એલચી પાઉડર અને કાજુ બદામ નો ભૂકો અને કોપરાનું છીણ નાખી બરાબર મિક્સ કરો.હવે ઠંડું કરવા માટે મૂકી દો.

હવે લોટ માંથી લુવા લઈને રોટલી વણી લો અને તેમાં વચ્ચે સ્ટફિંગ મૂકી બંધ કરો.તવી ગરમ કરો તેમાં પૂરણ પોળી શેકી લો.

બંને બાજુ ઘી મૂકી ધીમા તાપે શેકી લો.ઘી સરસ નાખવું જેથી ખાવાની મજા આવે.એજ રીતે બધી તૈયાર કરી લો.

મહારાષ્ટ્રીયન પૂરણપોળી તૈયાર છે.દેશી ઘી સાથે સર્વ કરો.