સૌપ્રથમ ઘઉંનો લોટ રવો અને ચણાનો લોટ મિક્સ કરી તેમાં તેલ ઉમેરી બરાબર મિક્સ કરી જરૂર મુજબ પાણી ઉમેરી કઠણ લોટ બાંધો. ત્યારબાદ તેના મુઠીયા વાળી લો.

એક પેનમાં તેલ ગરમ કરવા મૂકો તેલ ગરમ થાય એટલે તેમાં વારાફરથી મુઠીયાને બ્રાઉન કલરના થાય ત્યાં સુધી ધીમા તાપે તળો. આજ રીતે બધા મુઠીયા તળાઈ જાય એટલે તે મિક્સરમાં ક્રશ કરી લો. ત્યારબાદ તે મિશ્રણમાં એલચીનો ભૂકો અને જાયફળ ઉમેરી લો.

ત્યાર બાદ એક પેનમાં ઘી લઇ ગરમ થાય એટલે તેમાં ગોળ ઉમેરીને તેની પાઈ બનાવો. ત્યારબાદ તે પાઈ ને ચુરમાના મિશ્રણમાં ઉમેરો અને તેમાં બધા ડ્રાયફ્રૂટ્સ ઉમેરી બરાબર મિક્સ કરી તેના લાડુ બનાવીને તૈયાર કરો.