સૌ પ્રથમ અડદને એક પેનમાં પાંચથી સાત મિનિટ માટે મિડિયમ તાપ પર શેકી લેવા. ઠંડા થાય એટલે તેમાંથી મિક્સર જારમાં કરકરો પાઉડર બનાવી લેવો.

એક પોટ માં તેલ ગરમ થાય એટલે તેમાં આખા ધાણા,કલોંજી, સૂકું મરચું અને તમાલપત્ર નાખી એક મિનીટ સુધી સાંતળવું. હવે તેમાં આદુ લસણની પેસ્ટ અને ઝીણો સમારેલો કાંદો ઉમેરી કાંદો ગુલાબી રંગનો થાય ત્યાં સુધી સાંતળવું. હવે તૈયાર કરેલો અડદ નો પાઉડર ઉમેરી બધું બરાબર હલાવીને બેથી ત્રણ મિનિટ સુધી ધીમા તાપે શેકવું.

ધીમે ધીમે બે કપ પાણી ઉમેરવું અને હલાવતા રહેવું જેથી દાળ એક રસ થઇ જાય. જરૂર પડે તો પાછળથી વધારે પાણી ઉમેરી શકાય. હવે ઢાંકીને મધ્યમ થી ધીમા તાપે 15 થી 20 મિનીટ સુધી પકાવવું. ત્યારબાદ તેમાં હળદર, લાલ મરચું, ગરમ મસાલો અને મીઠું ઉમેરીને બીજી 5 થી 7 મિનીટ સુધી પકાવવું અથવા તો જ્યાં સુધી દાળ ચઢી ના જાય ત્યાં સુધી પકાવવું. વચ્ચે-વચ્ચે હલાવતા રહેવું જેથી દાળ પોટ માં ચોંટી ના જાય.