વડા બનાવવા માટે સૌ પ્રથમ બટેટા બાફી લેવા. ઠંડા થાય પછી છોલી ને સ્મેશ કરવા. વઘાર કરવા માટે તેલ ગરમ કરવા મુકવું. તેમાં આદુ મરચાં અને લસણની પેસ્ટ એડ કરી હવે તેમા હીંગ તથા ઝીણા સમારેલા મીઠા લીમડાના પાન એડ કરી સાંતળવા. ત્યારબાદ તેમા બાફીને સ્મેશ કરેલા બટેટા, મીઠું, હળદર, મરચું તથા ગરમ મસાલો એડ કરી હલાવવું.

બધું સારી રીતે મિક્સ થઈ જાય એટલે ફલૅમ બંધ કરી મિશ્રણને ઠંડું કરવા મુકવું.મિશ્રણ ઠંડુ થાય એટલે તેમાથી એકસરખા વડા બનાવવા.

વડા તળવા માટે તેલ ગરમ મુકવું. મિડીયમ ફલૅમ પર ગોલ્ડન તળવા. આ રીત બધા વડા બનાવી લેવા.

પાઉ શેકવા માટે તવી ગરમ કરવી. ફલૅમ ધીમી રાખવી. તવી પર બટર નાખવું. હવે બટર ઉપર 1 ટે.ચમચી લસણ મરચાં ની ડ્રાય ચટણી નાખવી. તવેથા વડે બટરમાં મિક્સ કરી લેવી. તેને તવી પર ફેલાવી લેવું. હવે પાઉમાં કટ મારવું. ફોટોમાં બતાવ્યા મુજબ બન્ને બાજુએ પાઉ શેકી લેવા.

વડાપાઉ એસેમ્બલ કરવા માટે ડ્રાય ચટણી અને બટરમાં શેકેલા પાઉ પર બન્ને બાજુએ ગ્રીન ચટણી લગાવવી. વચ્ચે વડો મુકવું. (આ પ્રોસેસ પાઉ શેકીને તરત જ કરવી.)

વડાપાઉ તૈયાર છે, તેને એકસ્ટ્રા ગ્રીન ચટણી અને લસણની તીખી ચટણી સાથે સર્વ કરવું.