પ્રથમ કાબુલી ચણાને ધોઈને છ થી આઠ કલાક માટે પલળવા દેવા. હવે ચણા ને એક પ્રેશર કુકરમાં ઉમેરી તેમાં તજ, લવિંગ, ઈલાયચી, મરી, તમાલપત્ર અને સંચળ ઉમેરવું. ચા ની પત્તી ને બે કપ પાણીમાં ઉકાળી તે પાણી ગાળીને કુકરમાં ચણા માં ઉમેરી દેવું. જરૂર પ્રમાણે બીજું પાણી ઉમેરીને ચણાને ચાર થી પાંચ સીટી વગાડી બાફી લેવા.

એક પેનમાં તેલ ગરમ થાય એટલે તેમાં કાંદા ની પેસ્ટ ઉમેરવી. કાંદા હલકા બ્રાઉન કલરના થાય ત્યાં સુધી સાંતળવા. હવે તેમાં આદુ, લસણની પેસ્ટ અને લીલા મરચા ઉમેરી ત્રણથી ચાર મિનિટ માટે સાંતળવું. હવે તેમાં જીરું પાઉડર, ધાણા પાઉડર, લાલ મરચું, ગરમ મસાલો અથવા છોલે મસાલો અને મીઠું ઉમેરી બધું બરાબર હલાવીને ત્રણથી ચાર મિનિટ માટે ફરી સાંતળવું. ધાણા અને જીરુંના અલગ પાઉડર ના બદલે ધાણાજીરૂ પણ વાપરી શકાય.

હવે કાંદાના મિશ્રણમાં વાટેલા ટામેટા ઉમેરી દેવા. એક કપ પાણી ઉમેરી બરાબર હલાવીને મીડીયમ તાપ પર બધું પાણી ઉડી જાય અને ટામેટા માં થી તેલ છૂટું પડે ત્યાં સુધી પકાવવું.

હવે તેમાં કસુરી મેથી અને લીલા ધાણા ઉમેરીને ત્રણથી ચાર મિનિટ સુધી પકાવી ગેસ બંધ કરી દેવો.

અમૃતસરી છોલે ભટુરા, પૂરી, પરાઠા, રોટલી અથવા તો રાઇસ સાથે પીરસી શકાય.