એક નોન-સ્ટીક પેનમાં 2 ચમચી તેલ ઉમેરી ઝીણા સમારેલા કાંદા આછા ગુલાબી રંગના થાય ત્યાં સુધી સાંતળવા. હવે તેમાં ખાંડ નાખીને મિક્સ કરી તેને હલકા બ્રાઉન રંગના થાય ત્યાં સુધી સાંતળવા. હવે તેમાં આદુ-લસણની પેસ્ટ મિક્સ કરી બરાબર હલાવીને બે મિનિટ સુધી સાંતળવું. આ મિશ્રણને ઠંડું કરી લેવું.

શેકેલા આખા મસાલા, કાંદા નું મિશ્રણ, મીઠું અને મરી પાઉડર ને એક મિક્સર જારમાં ઉમેરી તેની પેસ્ટ બનાવી લેવી. રીંગણ ને ધોઈને કોરા કરી વચ્ચેથી લાંબા કાપી લેવા.

કાપેલા રીંગણ ના ટુકડાઓ પર પેસ્ટ લગાવી લેવી. હવે પેનમાં 2 ટેબલસ્પૂન તેલ ઉમેરીને રીંગણ ને ગોઠવી દેવા. ઢાંકીને પાંચ મિનિટ માટે મીડીયમ તાપે ચડવા દેવું. નીચેથી હલકા બ્રાઉન રંગના થાય એટલે રીંગણને પલટાવી લેવા. ફરીથી ઢાંકીને મસાલો બ્રાઉન કલરનો થાય ત્યાં સુધી પકાવો.