સૌ પ્રથમ મેથી દાણા ને ધોઈને 4 - 5 કલાક પાણી માં પલાળી ને રાખો. પલળી જાય એટલે તેને ધોઈને પાણી કાઢી નાંખો.(પાણી ને ફેંકી દેવાનું નહીં)

હવે ગેસ ચાલુ કરી એક પૅનમાં તેલ ગરમ કરો.તેમાં જીરું, લીલા મરચા, મીઠા લીમડાના પાન સમારીને, હિંગ નાખીને વઘાર કરવો.અને પલાળેલી મેથી ઉમેરીને સાંતળી લો. અને મીઠું નાખીને ઢાંકણ ઢાંકી ને બફાવવા દો.

મેથી બફાવવા મૂકી છે ત્યાં સુધી માં પૌઆ ને એક વાસણ માં લઇ ધોઈને પાણી કાઢી નાંખો અને પાણી ને નિતારી ને પૌઆ કોરા થવા દો.

હવે પૌઆ ને મેથી બફાઈ ગઈ હોય તેમાં ઉમેરી ને મીક્સ કરી લો. અને તેમાં હળદર પાઉડર,મીઠું, લાલ મરચું પાઉડર અને લીંબુ નો રસ ઉમેરી ને મીક્સ કરી લો.

તૈયાર છે મેથીદાણા પૌઆ.. જે સ્વાદ માં ટેસ્ટી અને સ્વાસ્થ્ય માં ગુણકારી.. નાસ્તા માં કે રાતે જમવામાં પણ ખાઈ શકીએ છીએ.