મેથીના પકોડા બનાવવા માટે સૌપ્રથમ આપણે ચણાનો લોટ લઈશું. હવે આપણે બધા મસાલા તૈયાર કરીશું. હવે એક મોટા બાઉલમાં ચણાનો લોટ લો. અને ચણાના લોટમાં બધા મસાલા ઉમેરો.

હવે મેથીની ભાજીને સારી રીતે ધોઈને ઝીણી સમારી લો. હવે ઝીણી સમારેલી મેથી ની ભાજી, સ્વાદાનુસાર મીઠું, ખાંડ અને ચપટી સોડા ઉમેરો. હવે જરૂર મુજબ પાણી ઉમેરી ખીરૂં તૈયાર કરો. પકોડા તળવા માટે આપણું ખીરું તૈયાર છે.

હવે એક પેનમાં તેલ ગરમ કરો. ગેસ ની ફ્લેમ મીડીયમ રાખો. તેલ ગરમ થઈ જાય એટલે ભજીયા ખીરા મા ૨ ચમચી ગરમ તેલ રેડો. અને ખીરું બરાબર મિક્સ કરી લો. ગરમ તેલ રેડવા થી પકોડા ખૂબ જ સોફ્ટ અને ટેસ્ટી બને છે. હવે પકોડા ને ગોલ્ડન બ્રાઉન થાય એ રીતે તળી લો. આપણા ગરમાગરમ પકોડા તળાઈ ને તૈયાર થઈ ગયા છે.