ગેસ ઉપર એક વાસણમાં તેલ ગરમ કરવા મુકો. ત્યારબાદ ગરણી ને ઉંધી પાણી લગાવી બે ચમચી ખીરું ઉપર રાખી વચ્ચે ગોળ કાણું પાડી. પછી તેને ગરમ તેલમાં ધીમેથી નાખી તળો આવી રીતે બધા મેંદુ વડા કરવા.

હવે ટામેટા ની ચટણી બનાવવા માટે એક વાસણમાં બે ચમચી તેલ નાખો. પછી તેમાં ટામેટાં ડુંગળી અને સુકા મરચા ઉમેરો. પછી તેને ધીમા ગેસ પર હલાવતા. અને મીઠું નાખી ઠંડુ થવા દેવું. ઠંડુ થઈ ગયા બાદ તેને મિક્સરમાં ક્રશ કરો. પછી એક વાસણમાં એક ચમચી તેલ ગરમ કરવા મુકો. અને તેમાં રાઈ અને લીમડો પછી તેને ગેસ બંધ કરી ચટણીમાં નાખી દેવો.

ટોપરાની ચટણી બનાવવા માટે પલાળેલી ચણાની દાળ, નાળિયેર મિક્સરમાં ક્રશ કરવું. પછી તેમાં મીઠું અને દહીં નાખી હલાવો. હવે એક વાસણમાં એક ચમચી તેલ નાખી ગેસ પર મૂકો. તેમાં રાઈ,લીમડો, સૂકા લાલ મરચાં, અને લીલા મરચા નાખીને હલાવી ચટણીમાં ઉમેરી દો.

સાંભાર બનાવવા માટે એક કુકરમાં તુવેરની દાળ, મગની દાળ, ટામેટાં, ડુંગળી, રીંગણા, તજ અને લવિંગ, મીઠું અને ચપટી હળદર નાખીને બાફવી.

હવે દાળ ને બ્લેન્ડરથી ક્રશ કરો. પછી તેમાં લીલા મરચાં, લીમડો, છીણેલું આદુ, સાંભાર મસાલો, લાલ મરચું પાઉડર અને જરૂરિયાત પ્રમાણે મીઠું નાખી ગેસ પર ઉકાળવા મુકો.