સૌ પ્રથમ અડદની દાળને પાંચ થી છ કલાક પલાળી દેવી ત્યારબાદ લીલા મરચા ને ઝીણા સમારી લેવા તેમજ મીઠા લીમડાના પાન પણ ઝીણા સમારીને તૈયાર રાખવા જીરાને અધકચરુ કરવું

ત્યારબાદ પલાળેલી દાળને એકદમ નિતારીને કાઢી લેવી તેમજ મિક્સર જારમાં લઈ એકદમ ક્રશ કરી વડા માટેનું બેટર તૈયાર કરવું હવે આ બેટરને એક પહોળા વાસણમાં કાઢી લેવું ત્યારબાદ તેને એક જ ડાયરેક્શનમાં ફેંટવું આમ ફેટવાથી તે એકદમ હલકુ થઈ જશે

ત્યારબાદ આ બેટર માંથી નાનો લુઓ લઇ પાણી ભરેલા વાટકા માં નાખી ટેસ્ટ કરી લેવો જો આ લુઓ પાણીમાં તરે એટલે આપણું બેટર રેડી છે એમ માનવું વડાના બેટર માં બે ચમચી ચોખાનો લોટ ઉમેરી મિક્સ કરી લેવો ત્યારબાદ તેમાં લીલાં મરચાંના કટકા તેમજ લીમડાના પાન હળદર અને અધકચરું જીરુ નાખીને મીઠું ઉમેરી સારી રીતે બધું મિક્સ કરી લેવું આબેટર માં બેકિંગ પાઉડર કે ઈનો કોઈપણ વસ્તુ ઉમેરવાની જરૂર રહેતી નથી

આ બધી વસ્તુ મિક્સ કરી ફરી પાછું ચમચીથી હલાવી અને બેટર તૈયાર કરી લેવું ત્યારબાદ પાણીવાળો હાથ કરી બેટર માંથી લુવો લઇ ગોળ આકાર આપી દો અને વચ્ચે આંગળીની મદદથી હોલ પાડી દેવો

હવે એક કડાઈમાં તેલ ગરમ કરવા મૂકવું ગેસની flame ધીમી રાખવી ત્યારબાદ તેમાં તૈયાર કરેલ વળુ ધીમેથી તેલમાં નાખી દેવું આ રીતે બધા જ મેંદુ વડા આછો બદામી રંગના થાય ત્યાં સુધી તળી લેવા