સૌ પ્રથમ એક મોટા વાડકામાં કેપ્સીકમ, ડુંગળી, ટામેટા અને બાફેલી મકાઈના દાણા લઈ મીક્ષ કરવું.

હવે ગ્રીલરમાં (સેન્ડવીચ શેકવાનું મશીન) ઉપર-નીચે માખણ અથવા તેલ લગાવવું. નોંધ: ગ્રીલર ના હોય તો તમે ગેસ પર લોઢી મુકીને પણ શેકી શકો.

હવે ૨ બ્રેડ પર માખણ લગાવી, બન્ને પર ગ્રીન ચટણી લગાવવી. પછી તેના પર વેજીટેબનું તૈયાર કરેલું મિશ્રણ પાથરવું. અને મિક્ષણપર છીણેલી ચીઝ પાથરવી. હવે તેની પર માખણ લગાવેલ બ્રેડ મુકવી. અને આ સેન્ડવીચને ગ્રીલરમાં શેકવા મુકવી.

ગ્રીલરની સ્વીચ ચાલુ કરવી. શેકાઈ જાય એટલે એને ગ્રીલરમાંથી ડીશમાં કાઢી, તેના પર ચીઝ પાથરવી. તેના પર થોડો સેન્ડવીચનો મસાલો ભભરાવવો. હવે સેન્ડવીચને પીઝા કટર અથવા ચપ્પાથી કાપવી. આપણી મેયોનીસ વેજીટેબલ સેન્ડવીચ તૈયાર છે.

તેને ટામેટા સોસ અને ગ્રીન ચટણી સાથે સર્વ કરવી.