ચટાકેદાર શાક: આ શાક માં અહી મે નાના રીંગણા અને બટેટા, ડુંગળી,લસણ આદુ ની પેસ્ટ, ટામેટા લીલા મરચા લીધા છે.અહી આ શાક બનાવવા રીંગણા ને ડીન્ટીયા સહિત જ લાંબી ચીર કરી છે અને બટેટા પણ લાંબી ચીર માં કાપ્યા છે.

ત્યારબાદ આ બંને ને એક કડાઈ મા ૨ચમચી તેલ મૂકી ફ્રાય કરીશું.તો આ તેલ થઈ જાય એટલે સૌ પ્રથમ રીંગણા ફ્રાય કરી લેશું.આ રીંગણા ગુલાબી થઇ જાય એટલે એક ડિશ માં કાઢી ફરી તે કડાઈ મા બટેટા ની ચીર ફ્રાય કરીશું.આ રીતે રીંગણા ને ફ્રાય થાતાં વાર નથી લાગતી તો બંને અલગ જ ફ્રાય કર્યા છે.

આ રીતે ફ્રાય કરેલા રીંગણા બટેટા સાઇડ મા રાખી દેશું.અને હવે ડુંગળી ટામેટા મરચા ને પણ લાંબી ચીર કરી લેશું.અને આદુ લસણ ની પેસ્ટ બનાવીશું.અહી મે કુંડી દસ્તા વડે પેસ્ટ બનાવી છે જેનો સ્વાદ અને સુગંધ મસ્ત આવે છે.

ત્યારબાદ એક કડાઈ મા ૪ ચમચી તેલ ગરમ મૂકો. તેલ થઈ જાય એટલે સૂકું મરચું તમાલપત્ર રાઇજીરૂ અને હિંગ નાખી દો.ત્યારબાદ તેમાં આદુ લસણ નો પેસ્ટ એડ કરો.અને તરતજ ડુંગળી એડ કરી હલાવી લૉ.

પછી ડુંગળી નો કલર બદલાય જાય પછી તેમાં ટામેટાં મરચા એડ કરી દો.અને બધા મસાલા એડ કરી દો ગરમ મસાલો છેલ્લે એડ કરવાનો જેથી શાક નો ટેસ્ટ મસ્ત આવે. અને મસાલા ને સરસ મિકસ કરી ૫ મિનિટ ચડવા દો.

ત્યારબાદ તેમાં ફ્રાય કરેલા રીંગણા બટેટા એડ કરી અડધો કપ પાણી નાખી ધીમી આંચ પર ચડવા દો બટેટા ના ટુકડા થઈ જાય અને સરસ ચડી જાય એટલે તેમાં ગરમ મસાલો નાખી ઉતારી લૉ.

આ ગુજરાતી શાક જોઈને ભૂખ નો લાગી હોઈ તો પણ લાગી આવે છે.ગુજરાતી ના શાક હંમેશા ચટપટા અને મસાલેદાર હોઈ છે. આ રીતે બનાવેલું શાક ખાઈ ને બધા આંગળા ચાટતા રહી જાશે.

ખિચડી : આ ખિચડી ગુણો થી ભરપુર હોઈ છે.દાળ અને ચોખા મિક્સ કરી તેને ધોઈ ને કૂકર માં નાખી દો. તેમાં દાળ ચોખા થી ૩ ગણું પાણી એડ કરી ગેસ પર ઉકળવા મૂકી દો.અને જરા ઉકળી જાય પછી હિંગ હળદર મીઠું અને એક ચમચી ધી એડ કરી ઢાંકણ બંધ કરી ૧૫ મિનિટ ચડવા દો.

આ ખિચડી માં ધી એડ કરવાથી ખિચડી સરસ નરમ અને મુલાયમ બનશે. હવે ૧૫ મિનિટ પછી કૂકર ઠરે એટલે ખિચડી ત્યાર છે.આ ખીચડી માંદા હોઈ તેને પન ભરપુર એનર્જી આપે છે.

રોટલી રોટલા: રોટલી તો બધા રોજ બનાવતા જ હોઈ છે. તો ઘઉં ના લોટ મા ૧ચમચી તેલ નું મોણ નાખી પાણી વડે લોટ બાંધી લો અને રોટલા માટે બાજરી નો લોટ લઈ તેમાં જરા મીઠું નાખી પાણી વડે લોટ બાંધી લો.આ બાજરી માં રોટલા નો લોટ એકીસાથે નહી બાંધવાનો એક એક રોટલા નો બાંધતા જવાનું ને કરતા જવાનું.તો રોટલા સરસ થાય છે.

ત્યારબાદ તેના ગોળા વાળી પાટલા વેલણ થી વણી લૉ. રોટલા ને થાબડી ને કરવાનો છે.ત્યારબાદ બંને ને માટી ની તાવડી માં પકાવી લો.ત્યારબાદ બંને માં ધી લગાવી લૉ આ ત્યાર છે રોટલી રોટલા.આપના વડીલો તેમજ ખેડુ રોજ રાત્રે રોટલા જ ખાવાનું પસંદ કરે છે કેમકે બાજરી માંથી ભરપુર તાકાત મળે છે.

આ સાથે મે ઘરે બનાવેલું માખણ દહીં ગોલધી અને મરચા લીધા છે. આપણી ગુજરાતી થાળી એટલે થાળી મા ક્યાંય જગ્યા નો હોઈ ભરચક ભરેલી જ હોઈ છે.આ થાળી વડીલો રાત્રે ખાવાનું પસંદ કરતા કે આ પુષ્કળ એનર્જી અને તાકાત પૂરી પાડે છે.તો આખો દિવસ કામ કરવાથી થાક લાગતો નથી.આ સાથે થાળી પીરસવા મા આવે છે.