બાટી બનાવવા : સૌ પ્રથમ એક વાસણ માં ઘઉંનો લોટ લો તેમાં મીઠું ઉમેરો અને ઘીનું મોણ ઉમેરી ભાખરી જેવો કઠણ લોટ બાંધવો..

હવે બાટી જેવા નાના લુવા કરી લો. બાટી માટે ગોળ લુવો કરી એના પર ચપ્પુ વડે x અથવા + નું સાઈન કરી લો..

હવે બાટી ને કુકર થોડું ઘી નાખી બાટી ને ગોઠવી દો અને દર ૨-૩ મિનિટે કુકર ને હલાવવું.. ૧૦-૧૨ મિનિટ માં બાટી શેકાઈ જશે..હવે કુકર ખોલી ને જોઈશું તો બાટી તૈયાર છે..

હવે દાળ બનાવવા માટે : એક વાસણ માં મસૂર દાળ, તુવેર દાળ અને છાલ વાળી મગ ની દાળ લઈ બરાબર ધોઈ કુકર મા બાફી લો..

દાળ બફાઈ જાય પછી તેમાં 2 કપ ગરમ પાણી રેડો.. અને બરાબર મિક્સ કરી લો..

હવે વઘાર કરવા માટે એક વાસણમાં ઘી લો અને ગરમ કરો..એમાં રાઈ ઉમેરો. રાઈ ફુટે એટલે જીરું અને હિંગ નાખો.

હવે એમાં ડૂંગળી ને સાંતળી લો.સાથે એમાં ૧ સૂકું લાલ મરચુ અને તમાલપત્ર નાખો.. હવે એમાં આદુ લસણ ની પેસ્ટ નાખી બરાબર મિક્સ કરી લો.. હવે એમાં ટામેટું નાખી મિક્સ કરી લો..

હવે ટામેટા સાથે મીઠું સ્વાદ મુજબ નાખી મિક્સ કરો ટામેટા સોફ્ટ થાય ત્યાં સુધી એની બરોબર મિક્સ કરો..

ટામેટુ ચડી જાય પછી તેમાં હળદર મરચું ગરમ મસાલો ધાણાજીરું બધું નાખી બરાબર બે મિનિટ જેવું એને સાંતળી લો.. સાંતળી લઈએ પછી એ બધો વઘાર દાળ માં નાખી દો.