સૌ પ્રથમ કૂકર મા પાલકને એકદમ ધોઈ ને સમારીને એમાં ચપટી હળદર, મીઠું, ૧/૨ ચમચી ખાંડ નાખી ને બાફી લો.

એક સિટી વાગે એટલે કુકર બંધ કરી પાલક બહાર કાઢી એને જારા માં નાખી નિતારી લો અને તેના પર ઠંડુ પાણી રેડી દો.

હવે એક નાના મિક્સર જારમાં સમારેલા આદું, મરચાં, લસણ અને ડુંગળી બધું સાથે ક્રશ કરો.

હવે એક કડાઈમાં તેલ ગરમ કરો. તેલ ગરમ થાય એટલે તેમાં તમાલપત્ર, લવિંગ, તજ નાખો. પછી તેમાં જીરું ઉમેરો. હવે તેમાં આદું મરચાં લસણ ડુંગળી ની પેસ્ટ ઉમેરી બરાબર સાંતળો. પછી એમાં લાલ મરચું પાઉડર મિક્સ કરી ને ટોમેટો પ્યુરી ઉમેરો. થોડું તેલ છૂટે એટલે એમાં મીઠું, ગરમ મસાલો, કિચન કિંગ મસાલો ઉમેરી અને પાલક ની પ્યુરી ઉમેરો. બધું બરાબર મિક્સ કરો અને ૨-૩ મિનિટ ઉકળવા દો. પછી તેમાં સમારેલા પનીરના ટુકડા ઉમેરી ને હલાવી લો અને ગેસ પરથી ઉતારી લો.

તૈયાર છે પાલક પનીર. તેને તમે પરાઠા કે રોટી સાથે સર્વ કરી શકો છો. ભાત સાથે પણ સરસ લાગે છે.