સાબુદાણાને બરાબર ત્રણથી ચારવાર ધોઈને, પાંચથી છ કલાક પાણીમાં પલાળી લેવા.બે કલાક પછી ઉપર નુ પાણી કાઢી નાખી, અને અંદર જે પાણી હોય તેમાં જ પલળવા દેવા. પલ્લી જાય એટલે એક કોટન કપડા ઉપર પાથરી દેવા. જેથી જે થોડું ઘણું પાણી રહી ગયું હોય,તે કપડામાં શોષાઈ જાય.અને સાબુદાણા સાવ છૂટા થઈ જાય.

કાચા કેળા ની છાલ કાઢીને, તેના પીસ કરીને ગેસ ઉપર તપેલીમાં પાણીમાં બાફી લેવા.અને ચડી જાય એટલે ગેસ બંધ કરી દેવો.અને કાણા વાળી ચાળણીમાં કાઢી લેવા.

કાચી શીંગને શેકીને, તેને મિક્સરમાં અધકચરી ક્રશ કરી લેવી.

ગેસ ઉપર એક પેન મૂકીને, તેમાં ઘી મૂકીને, જીરુ એડ કરીને તેમાં મરચાની ચીરી, કડી પત્તા એડ કરીને તેમાં ક્રશ કરેલી શીંગ એડ કરવી. સ્લો ગેસે શેકાય, એટલે અને સુગંધ આવે એટલે તેમાં બોઇલ કરેલા કેળા એડ કરવા.પછી તેમાં મીઠુ,સાકર,લીંબુ,એડ કરવું.

હવે પેનમાં બનાના સાથે સાબુ દાણા મિક્સ કરી, તેમાં કોથમીર એડ કરી, બરાબર હલાવી મિકસ કરવું.

હવે તૈયાર થયેલી બનાના સાબુદાણા ખીચડી સર્વિંગ બાઉલ અગર પ્લેટમાં કાઢીને,કોથમીરથી ગાર્નિશ કરીને સર્વ કરવી.