બહાર નુ પડ બનાવવા માટે એક કઠોક માં મેંદો અને ઘી મિક્સ કરી જરૂર મુજબ પાણી લઇ રોટલી જેવો લોટ બાંધો. હવે લોટ ને 15-20 મિનિટ રેસ્ટ આપો. હવે કેસર ને વાટકી માં લઇ ગેસ પર એક 1 મિનિટ મીડીયમ ફ્લેમ પર તાપ બતાવો (જેથી કેસર નો રંગ ખીલી ઉઠશે)। હવે ગેસ બંધ કરી તેમાં 1/8 કપ દૂધ ઉમેરી કેસર ને પલળવા મૂકી દો.

ઘારી નું સ્ટફિંગ બનાવવા માટે એક પેન માં 1/8 કપ જામખંભાળીયા ઘી ગરમ કરી તેમાં ચણા નો લોટ ઉમેરી ને 2-3 મિનિટ ધીમા તાપ પર શેકો। હવે તેને બનાવેલા માવા ઉપર રેડી ને ઠંડુ કરવા મૂકી દો। હવે એજ પેન માં ફરી 1/8 કપ જામખંભાળીયા ઘી ગરમ કરી તેમાં કાજુ, બદામ અને પિસ્તા 2-3 મિનિટ માટે સ્લો ફ્લેમ પર શેકો। તેને પણ માવા માં ઉમેરી ને ઠંડુ પડવા દો. એકદમ ઠંડુ થઇ જાય એટલે તેમાં બૂરું અને ઉપર બનાવેલ કેસર વાળું દૂધ ઉમેરી બધું બરાબર મિક્સ કરી ગોળા બનાવી લો. સ્ટફિંગ તૈયાર છે.

એસેમ્બલિંગ રીત 2: બાંધેલા લોટ માંથી એક લુવો લઇ તેની લંબગોળ રોટલી વણી લો. હવે રોટલી ની એક બાજુ પર સ્ટફિંગ નો ગોળો મૂકી બીજી બાજુ ને ગોળા પર કવર કરી લો. કિનારીઓ ને દબાવી ને સીલ કરી દો અને ઉપર થી હલકું દબાઈ લો. હવે વાટકી ની ધાર ની મદદ થી વધારા ની કિનારી કાપી લો અને ફરી બરાબર સીલ કરી સરખો આકાર આપી દો.
કોઈ પણ એક રીત વડે બધી ઘારી તૈયાર કરી લો

હવે એક પેન માં ઘારી તળવા ઘી ગરમ કરો. ત્યારબાદ ઘારી ને એક ઝારા પર મૂકી ને ઘી માં તળો. ઘારી નો રંગ બદલાય ત્યાં સુધી એક કડછી વડે ઘારી ઉપર ગરમ ઘી રેડતા જાઓ. આ રીતે બધી ઘારી તળી લો. ઘારી ને ઠંડી પડવા દો. હવે એક પેન માં 100 ગ્રામ જામખંભાળીયા ઘી ને તાપ બતાવી ને પીઘાળી લો અને થોડું ઘટ થવા દો. હવે તેમાં એક એક કરી ને ઘારી બોળી ને ઘી નું કોટિંગ કરો. બધી ઘારી પર ઘી નું કોટિંગ કરો.

ઘારી તૈયાર છે. ઉપર બદામ-પિસ્તા ની કતરણ અને કેસર થી ગાર્નિશ કરી પ્લેટિંગ કરો.