સૌપ્રથમ બટાકા અને વટાણાને બાફી લો ત્યારબાદ બટાકાની છાલ ઉતારી તેમાં વટાણા, મીઠું, લાલ મરચું, હળદર, લીંબુનો રસ, ખાંડ, ગરમ મસાલો, લીલા મરચાં, ધાણાજીરું પાઉડર અને કોથમીર નાખી મિક્સ કરી સ્ટફીંગ તૈયાર કરો.

ત્યારબાદ ચણાના લોટમાં મીઠું, સાજીનાં ફુલ, પાણી અને એક ચમચી ગરમ તેલ રેડી ખીરું તૈયાર કરો.

ત્યારબાદ બ્રેડની એક સ્લાઈસ પર બટર લગાવી તૈયાર કરેલું સ્ટફીંગ લગાવી અને બીજી સ્લાઈસ પર લીલી ચટણી લગાવી તેની પર મૂકી દો. પછી તેને ત્રાંસમાં વચ્ચેથી કાપી લો.

ત્યારબાદ આ સેન્ડવિચને ખીરામાં બોળી ગરમ તેલમાં તળી લો.

આ બ્રેડ પકોડા પર ચીઝ છીણી લીલી ચટણી અને ટોમેટો કેચપ સાથે સર્વ કરો.