વટાણા બટાકા બાફી લેવા અને ડુંગળી ને ઝીણી સમારી લેવી. આદુ મરચાની પેસ્ટ બનાવી લેવી.

એક પેનમાં તેલ મૂકી તેલ ગરમ થાય એટલે આદું-મરચાની પેસ્ટ અને ડુંગળી થી વઘાર કરવો. બે મિનિટ સુધી ડુંગળીને સાંતળી લેવી પછી બાફેલા વટાણા બટાકા ને તેમાં ઉમેરી દેવા અને તેમાં બધો મસાલો કરી લેવો.

બધો મસાલો સરસ થી મિક્સ કરી લેવો.

પછી એક બ્રેડની સ્લાઈસ લઈ તેમાં ચમચીની મદદથી મસાલો સ્પ્રેડ કરી લેવો અને તેના પર બીજી બ્રેડની સ્લાઈસ મૂકી અને ત્રિકોણ આકારમાં કટ કરી લેવું.

પછી એક વાસણમાં ચણાનો લોટ લઇ તેમાં હિંગ, મીઠું, સોડા નાખી બધું ઉમેરી થોડું પાણી નાખવું અને પકોડા નું બેટર તૈયાર કરી લેવું.‌

ત્યારબાદ આ બેટર માં પકોડાને ડીપ કરી પછી તેલમાં તળવા મુકવા. પકોડાને મીડીયમ તાપે ગોલ્ડન બ્રાઉન થાય ત્યાં સુધી તળી લેવા. આ રીતે બધા પકોડા તળી લેવા.

હવે તૈયાર છે ગરમા ગરમ પકોડા તેને કેચપ સાથે સર્વ કરો.