સૌ પ્રથમ ચોખા ધોઈને અડધો કલાક માટે પલાળી દો. ત્યાં સુધી પાલક બીટી ને ધોઈને રાખો. ડુંગળી, ટામેટા કટ કરી લો. મેં અહીં frozen સ્વીટ કોર્ન લીધા છે જે already કુક થયેલા છે. ફ્રેશ લેતા હોવ તો કુક કરી લેવા. અડધા કલાક પછી ભાત ને ઉકળતા પાણી માં કૂક કરી ને ઓસાવી લો અને સાઇડ માં રાખી દો.

પાલક ને ગરમ પાણી માં બાફી લેવી અને ઠંડા પાણી માંથી કાઢી લેવી જેથી તેનો ગ્રીન કલર જળવાઈ રહે. રૂમ ટેમ્પરેચર પર આવે એટલે 1 મિક્સર ના જાર માં લઈ તેમાં લીલાં મરચાં નાખી પેસ્ટ બનાવી લો. હવે 1 નોન સ્ટિક વાસણ માં ઘી ગરમ મૂકો. તેમાં જીરું અને બધા આખા મસાલા ઉમેરો. સુગંધ આવે એટલે તેમાં કાજુ નાખો. ત્યારબાદ તેમાં ડુંગળી અને મીઠું નાખો અને સાંતળી લો. ડુંગળી સંતળાઈ જાય એટલે તેમાં ટામેટા ઉમેરો. ટામેટા નરમ થાય એટલે તેમાં સ્વીટ કોર્ન, ધાણા જીરું અને બિરયાની મસાલા નાખો અને સરખું મિક્સ કરી લો.

બધું સરખું મિક્સ થઈ જાય અને મસાલા ચડી જાય એટલે પાલક ની પેસ્ટ અને રાંધેલા ભાત નાખો અને સરખું મિક્સ કરી લો. ભાત નો દાણો તૂટે નહીં એ રીતે મિક્સ કરી લેવું. છેલ્લે કોથમીર નાખો. કોર્ન પાલક પુલાવ તૈયાર છે સર્વ કરવા માટે. ટોમેટો ફ્લાવર અને ડુંગળી ની રીંગ થી ગાર્નિશ કરી બૂંદી રાઈતા અને પાપડ જોડે સર્વ કરો.