બેસન માં આદું મરચાં ની પેસ્ટ, મીઠું, હળદર નાંખી ભેળવી લો. હવે જેટલા કપ બેસન નું માપ એનાં કરતાં ૩ ગણું છાશ અને પાણી નું માપ લેવું. છાશ અને પાણી ઉમેરી ગઠ્ઠા ન પડે એમ હલાવી લેવું.

ગેસ પર પહોળા વાસણ માં આ ઉમેરવું. અને સતત મધ્યમ આંચ પર હલાવતા રહેવું. નીચે ચોંટે નહીં એનું ધ્યાન રાખવું.

થોડી વાર હલાવતા રહેવું અને જ્યારે કઢાઈ માંથી થોડું છૂટું પડતું લાગે કે તરત ગેસ બંધ કરી દેવો. થાળી ઉપર અને પાછળ પાથરી દેવું. બને એટલું પાતળું પાથરવું.

૧૦ મીનીટ પછી ઠંડુ પડે એટલે કાપા પાડી વાળી લેવી. એના પર કોથમીર અને કોપરૂં ભભરાવું.

વઘાર માં બધું નાંખી ખાંડવી પર ચમચી વડે રેડવો. તૈયાર છે ખાંડવી.